Japalí mi cha anéliwa o cha oláliwa, ami we risoa nílimiré. Nalí ayénachó a keʼré japi mi ma ke me bichíwima Jeobá ati majaa nílisaká echi pagótami japi ke nijewi Jeobá. ¿Piri mi isísaré japalí jarecho mi cha níliti?

Wiká ko ma anáchili japalí echi riká ikili jiti we bichíwili Jeobá (Sl 18:17). Japi riká, Ester ke majaka anili japi Hamán isínilie, bilé rijoi japi we cha isíami nili echi Onorúami puéblowala yúa (Est 7:1-6). Nalí kecho echi riká isiá, echi ko ke koʼali alí ke bajili, echi riká néwariwélitili japi we bichíwili Jeobá (Est 4:14-16). Alí Jeobá ko iʼwírili Ester jiti echi riká isili, alí tibuli echi alí echi puéblowala.

Kúruwi alí iwé, ami cha oláliwaká, iʼwírili tani Jeobá alí raʼichá mujé onolá yúa, iyela ma, o jarecho si. Ami we bichíwisaré japi Jeobá mi iʼwírima japi riká iʼwírili Ester. ¿Piri jarecho si namuti mi omeri isiá japalí mi cha anéliwa o cha oláliwa?

MA INESA ECHI VIDEO JAPALÍ MI REMALÍ JU: ¿PIRI MI ISÍSARÉ JAPALÍ MI CHA ANÉLIWA O CHA OLÁLIWA?, ANISÍ JAPI TI MI NÁRIPORÉ JENAʼÍ:

• ¿Piri biné echi kúruwi alí iwé Charlie alí Ferin jitra?

  Japi mi ruyema

• ¿Piri biné echi wénwala jepuná video jitra?

  Japi mi ruyema