2-8 inárachi septiembre
SALMOS 79-81
Canción sjj 29 alí Jeobá yúa raʼichia | Bachá raʼichama teeli (1 min.)
1. Néwariwéliti japi mi we galé echi Jeobá riwalá
(10 mins.)
Riwé isiá echi namuti japi isima japi cha riká raʼichárami nima Jeobá jitra (Sl 79:9; w17.02-S 9 párr. 5).
Iʼwírili taa néeka Jeobá riwalá alí bichiwi echi (Sl 80:18; ijwbv-S 3 párrs. 4, 5).
Jeobá ko iyama wiká namuti aʼláala echi japi we galé binoy riwalá alí nijewi (Sl 81:13, 16).
Jiti echi namuti japi ta noká isima japi aʼlárika raʼichárami nima Jeobá riwalá jitra, ati anésaré jarecho japi ta testigo Jeobá ju.
2. Aa chu iyiri namuti we natéami aniyá echi Biblia
(10 mins.)
-
Sl 80:1. ¿Chúsiá isini kaachi néeliwa José riwalá raʼichamia suwaba echi tribus Israel jitra? (it-2-S 127 párrs. 5, 6).
-
¿Piri namuti we natéami mi bineki leérisa echi Biblia na tarali?
3. Leéripo echi Biblia
(4 mins.) Sl 79:1-80:7 (th binelíwami 10).
4. Chotá raʼichia bilé yúa
(1 min.) BITICHÍ NIRAA. Nari achi binénala echi Biblia (lmd binelíwami 4 punto 4).
5. Chotá raʼichia bilé yúa
(3 mins.) JAPALÍ MI KE NAWESIA IYENA. Nari achi binénala echi Biblia (lmd binelíwami 4 punto 3).
6. Chotá raʼichia bilé yúa
(2 mins.) NAWESIA JAPONÁ NIRÚ WIKÁ PAGÓTAMI. Nari achi binénala echi Biblia (lmd binelíwami 3 punto 3).
7. Ku simí binérisia
(5 mins.) BITICHÍ NIRAA. Echi pagótami japi we aʼlá mi kipuli nalí japi chabé ko ke binénali echi Biblia echi testigo Jeobá yúa, jipi ko nari achi binénala (lmd binelíwami 8 punto 3).
Canción sjj 10
8. “Biʼwama nijé riwalá”
(15 mins.) Nawisama alí nárima.
Echoná weʼé we baʼóachi Edén riwéachi, Satanás ko chotásili cha riká raʼichia Jeobá riwalá jitra. Echalí jonsa echi namuti wabé natéami japi echi pagótami alí echi ángeles we aʼlá natásaré ko ju, achi iʼwírima jiti ke cha riká raʼichárami nima Jeobá riwalá jitra.
Ma inepo jaré namuti japi ikaleka aní Satanás Jeobá jitra. Japi riká, echi ko aní japi Jeobá ke aʼlá nuláami ju alí japi ke galéami ju (Gé 3:1-6; Job 4:18, 19). Ayénachó aní japi echi pagótami japi Jeobá nijéwami ju, ke galé echi (Job 2:4, 5). Alí isimí japi wiká millones pagótami ke bichíwima japi Jeobá ju japi niwali suwaba echi namuti we semati japi ikí nirú (Ro 1:20, 21).
¿Chumi nili machiyá echi ikaléwami japi aní Satanás? ¿Kechi ko a bichíwali ju japi mujé ko we inili nimínalia Jeobá jiti ke cha riká raʼichárami nima echi jitra? Jeobá ko we aʼlá machili japi echi puéblowala echi iʼwírinalima jiti ke cha riká raʼichárami nima echi riwalá jitra (Is 29:23). Nalí, ¿chúriká mi omeri iʼwiria?
-
Iʼwiri jarecho machiyá Jeobá alí galea (Jn 17:25, 26). We aʼlá biné chúriká mi ruyema alí binérima echi pagótami japi Jeobá a bité alí japi chu isíami ju echi (Is 63:7).
-
We galé Jeobá ne sulachí jonsa (Mt 22:37, 38). Nijewi japi Jeobá nulá, ke bi jiti mi iʼwiri aʼlá bitelia, nalí jiti mi we kanílitinali echi (Pr 27:11).
Inepo echi VIDEO Sinibí galéami nipo… tákoré echi japi mi yúa atí escuélachi ke nijewi Jeobá. Miná ko nari:
-
¿Chúriká nimili Ariel alí Diego echi Jeobá riwalá?
-
¿Chúsiá Ariel alí Diego nimínali Jeobá?
-
¿Chúriká ti omeri nokayá japi riká echi?
9. Napawika binepo echi Biblia
(30 mins.) bt cap. 15 párrs. 1-7 alí introducción sección 6.
