BINELÍWAMI 03
¿A bichíwali ju japi aní echi Biblia?
Echoná Biblia oserúa uchuwi wiká busuréliami alí japi ikimea pe aminana. Ami machináliré japi aní echoná. Nalí mi mayéeré japi ke bichíwali ju. ¿Ati bichíwipo echi libro japi ma chabé jonsa oserúami nili? ¿A aʼlá keʼré bichiwia japi aní echi Biblia japi we kanílika pirélipo jipi alí pe aminana? Wiká pagótami mayé japi a echi riká nima. Ami machimea chúsiá echi riká nata, alí mi binema achi bichíwali ka.
1. ¿A ne bichíwali ju japi riká aní echi Biblia?
Echoná Biblia aní japi echoná oserúa uchuwi suwaba “echi raʼíchali ne bichíwali” ju (Eclesiastés 12:10). Raʼicha japi ikili alí pagótami jitra japi ne bichíwali piréili (leeri Lucas 1:3 alí 3:1, 2). Wiká pagótami japi biné japi ikili chabé, japi riká historiadores alí arqueólogos a machili, japi ikili, echi pagótami, kumi, chu kabú, a ne bichíwali ju japi riká aní echi Biblia.
2. ¿Chúsiá ta bichiwi japi aní echoná Biblia tákoré ma we chabéwami ke?
Ma kiʼyá jonsa echoná Biblia oserúami nili japi echi pagótami ke machiyé. Japi riká echi Biblia ayénachó ruyé jaré namuti japi riká aní echi ciencia. Japalí oserúami nili echi Biblia wiká pagótami ke bichiwie japi aní echoná, nalí jipi ko ma machiwá japi aní echi Biblia ne bichíwali ju. Japi aní echoná “sinibí ne bichíwali ju, jipi alí sinibí” (Salmo 111:8).
3. ¿Chúsiá ta bichiwi japi ikimea pe aminana a bichíwali nima?
Echoná Biblia oserúa uchuwi echi profecías a japi nawesa “japi kecho ikísimi” (Isaías 46:10). We aʼlá ruyeli echi namuti we natéami japi ikimea riweili wiká bamíali kecho ikíachi. Ayénachó we aʼlá anili japi ikimea riweili japi riká ikísimi jipi. Jenaʼí binelíwami, inepo jaré namuti japi anili echi Biblia japi ikimea riweili, alí machiboa japi ne echi riká ikili.
AMINABI NATABO JAPI TA BINÉ
Inepo japi riká aní echi ciencia, echi riká cho aní echi Biblia alí binepo jaré profecías japi aní echi Biblia.
4. Japi ruyé echi ciencia newaré japi aní echi Biblia ne bichíwali ju
Ma we chabé jonsa, wiká pagótami mayeli japi echi kawí bilé namuti jitra moba atí. Inesi echi VIDEO.
Inepo japi oserúami nili echoná libro de Job ma 3.500 bamíali jonsa. Leérisi Job 26:7 alí raʼichasi jepuná jitra:
-
¿Chúsiá we natéami ju machiyá, japi aní echi Biblia japi echi kawí “ke wesi chapiká atí”?
Ma chabé 200 bamíali jonsa, echi pagótami ke inámili chúriká nawá echi ukí jenaʼí alí chúriká ripá ku simí jiti checho ku rujima. Nalí iné japi oserúami nili echoná Biblia ma chabé jonsa. Leérisi Job 36:27, 28 alí raʼichasi jepuná jitra:
-
Japi aní na texto echi baʼwí jitra, ¿piri mi nata?
-
¿Ami aminabi bichiwi japi aní echi Biblia leérika na texto?
5. Echi Biblia ko ruyeli jaré namuti we natéami japi ma ikili
Leérisi Isaías 44:27-45:2 alí raʼichasi jepuná jitra:
-
Japalí Babilonia najunárami nili, ¿piri anili echi Biblia japi ikimea 200 bamíali kecho echi riká ikíachi?
Japi machí japi chabé ikili aní japi echi bamíali 539 a.C., b bilé silíami Persia nuláami Ciro riwéami alí echi sontársiwala, najúnili Babilonia. Bachá, biléana simérili echi baʼwí. Alí jiti echi yewi echoná Babilonia irápita jali, moʼili echoná alí ke tasi nakoli. Ma 2.500 bamíali simírili japalí echi riká ikili, alí Babilonia ko a bijí najúa wilí. Jipi ko iné japi aní echi Biblia.
Leérisi Isaías 13:19, 20 alí raʼichasi jepuná jitra:
-
¿Piri namuti ikili japi riká aní echi Biblia?
Najunara wilí echi Babilonia, echomí Irak
6. Echi Biblia ma anili echi namuti jitra japi ikísimi jipi
Echi Biblia ko aní japi ta “waminánomí rawé” piré (2 Timoteo 3:1). Ma inepo japi aní echi jitra.
Leérisi Mateo 24:6, 7 alí raʼichasi jepuná jitra:
-
¿Piri namuti we natéami aní echi Biblia japi ikimea riweili ne jubá rawé?
Leérisi 2 Timoteo 3:1-5 alí raʼichasi jepuná jitra:
-
Japi riká aní echi Biblia, ¿chu nokáami nima riweili echi pagótami ne jubá rawé?
-
Japi aní jenaʼí versículos, ¿chu iyiri namuti mi a ritiwá?
JAPI ANÍ JARÉ PAGÓTAMI: “Echi Biblia ko echi pagótami osali”.
-
Japi mi bineli jenaʼí, ¿piri mi iʼwiri jiti mi aminabi bichíwima japi aní echi Biblia?
JAPI MI BINELI
Japi aní echi ciencia, japi ikili chabé alí japi ikimea pe aminana, néwariwéliti japi echi Biblia ne bichíwali aní.
Piri mi animea
-
¿A ne bichíwali ikili japi riká aní echi Biblia?
-
¿Chúriká newaré echi ciencia japi aní echi Biblia ne bichíwali ju?
-
¿Ami mayé japi echi Biblia aní japi ikimea pe aminana? ¿Chúsiá echi riká mi nata?
JITI MI CHE BINEMA
Japi riká aní echi ciencia, ¿a bichíwali ju japi aní echi Biblia?
“¿A echi riká cho aní echi Biblia japi riká echi ciencia?” (Oselí japi nirú echoná jw.org)
¿Chúriká newaré japi ta ma jubá rawé piré?
Jenaʼí mi binema japi aní echi Biblia japi ikimea riweili echi Imperio griego.
Ata binésaká japi aní echi profecías, ata we aʼlá bichíwiami nipo 5:22
Jenaʼí mi binema japi bilé rijoi bineli echi profecías jitra japi aní echi Biblia alí iʼwírili japi natama japi aní echoná ne bichíwali ju.
