CHOTÁ RAʼICHIA BILÉ YÚA
BINELÍWAMI 2
Raʼichá japi riká mi raʼicha
Japi aní echi Biblia: “¡We natéami ju japalí bilé nijisa echi raʼíchali japalí ta newalé!” (Prov. 15:23).
Japi isili Felipe
1. Iné echi VIDEO o leeri Hechos 8:30, 31, alí biné jepuná preguntas:
¿Piri ta biné japi isili Felipe?
2. Ati raʼichásaká japi riká ti raʼicha sinibí rawé, echi pagótami ko we rasía kanílima tamujé yúa raʼichia alí we aʼlá kipuma.
Isí japi riká Felipe
3. Aʼlá iné. Japi riká echi pagótami newa noká o newaré echi akala japi piri iyiri nili, ¿ami mayé japi a mi kipúnili? Jiti mi chotásima raʼichia echi Biblia jitra, nari echi pagótami: “Mujé, ¿ami machiyé...?”. Ke raʼichánalaká, kiti ne iʼwérili ané.
4. Kilí niraa buwé. Kiti natá japi mi we sapuka raʼichásaré japi aní echi Biblia. Buwé japi yena ko ma aʼlá nísaré raʼíchilia echi jitra. A keʼré japi mujé ko che siné kaachi nalí raʼichama japi aní echoná.
5. Bineri japi binénili echi pagótami. Isini kaachi echi pagótami chotásima raʼichia jarecho namuti, ke ko echi Biblia jitra. Echi riká nísaká, riwé japi mi iyiri raʼichia wilí alí kipú japi aní echi pagótami.
