CHOTÁ RAʼICHIA BILÉ YÚA
BINELÍWAMI 3
Aʼláala nii
Japi aní echi Biblia: “Echi mapuyíripi wabé galeko [...] galabé oláami ju” (1 Cor. 13:4).
Japi isili Jesús
1. Iné echi VIDEO o leeri Juan 9:1-7, alí biné jepuná preguntas:
-
¿Piri iyiri bachá isili echi Jesús: saʼweli echi rijoi busuyachi, o raʼíchili echi Onorúami jitra? (Iné Juan 9:35-38).
¿Piri ta biné japi isili Jesús?
2. Ati newa nokisáaká japi ta we natéami niraa iné echi japi ta yúa raʼicha, a keʼré japi echi ko a tamó kipuma.
Isí japi riká Jesús
3. Natéami niraa iné. Iʼwérili isí natia japi chu nili echi pagótami.
-
Nárika isí: “¿Piri namuti ke kaníliti? ¿Piri iyiri a natéami niraa inema o piri iyiri a iʼwírima?”. Jepuná preguntas mi natárima chumi riká newa isísaré japi mi ne bichíwali niraa iʼwiro echi pagótami.
-
Jiti mi néwariwélitima japi mi we natéami niraa iné echi pagótami, we aʼlá kipú japi iyiri aní. Japi riká, japalí echi pagótami mi ruyesa japi iyiri nili o piri namuti ke kaníliti, kiti chakena raʼichá.
4. We simárika alí riwíwika raʼichá. Japi riká ti raʼicha echi pagótami néwariwélitima achi ta chiliwea nilia alí achi ta ne bichíwali iʼwírinali. Jiti bela we aʼlá natá piri mi animea alí chumi riká animea. Kiti cha riká raʼichá jiti ke cha nílima japi mi yúa raʼicha.
5. Iʼwiri jarecho. A aʼlá nísaká alí a mi ikíriaká, iʼwiro echi pagótami. Ati we aʼlá simárika nokisáaká echi pagótami yúa, a keʼré japi echi ko a raʼichánilima tamujé yúa.
