CHOTÁ RAʼICHIA BILÉ YÚA
BINELÍWAMI 5
Aʼlá nátika raʼichá
Japi aní echi Biblia: “Sinibí ne galá galigá raʼíchasi echi auché jaré” (Col. 4:6).
Japi isili Pablo
1. Iné echi VIDEO o leeri Hechos 17:22, 23, alí biné jepuná preguntas:
-
¿Chu níali Pablo japalí riwali japi Atenas piréami bichiwi wiká dioses ke bichíwali? (Iné Hechos 17:16).
-
¿Chúriká newa isili echi apóstol Pablo japi we aʼlá nátika raʼíchili japalí binérili echoná Atenas piréami?
¿Piri ta biné japi isili Pablo?
2. Ati bachá aʼlá natásaká japi aniboa, chúriká aniboa alí chu kabú, echi pagótami ko a kipúmaré japalí ti yúa raʼicha.
Isí japi riká Pablo
3. Aʼlá natá japi mi iyiri animea. Japalí mi raʼicha bilé yúa japi ke bichiwi Jesús alí Biblia jiti echoná religión japoná echi simí ke binériliwa echi jitra, a keʼré japi mujé ko aʼlá natama chumi riká raʼichama echi Jesús alí echi Biblia jitra.
4. Kiti sapuka ané japi ke aʼlá ju. Echi japi mi yúa raʼichia wilí, riwé japi raʼichama japi iyiri nata. Japalí anisaa bilé namuti japi ke bineri echi Biblia, kiti sapuka ané japi ke bichíwali ju (Sant. 1:19). Ami aʼlá kipúsaká, mujé ko machimea piri bichiwi echi pagótami alí chúsiá echi iyiri bichiwi (Prov. 20:5).
5. Japalí anisaa bilé namuti japi a bichíwali ju, ané japi we aʼlá ju japi riká anili. Newalá japi echi pagótami ko nátimiré japi ne bichíwali ju japi iyiri bichiwi. Raʼichá bilé namuti jitra japi echi pagótami ayénachó bichiwi alí echi riká kilipi niraa bineri japi aní echi Biblia.
