CHOTÁ RAʼICHIA BILÉ YÚA
BINELÍWAMI 6
Kiti majá
Japi aní echi Biblia: “Riosi tamujé tamí kuʼwírali mapurigata tarapé majaga ʼyemi mi nawésabo echi Wabé Galabé Riosi Raʼíchala” (1 Tes. 2:2).
Japi isili Jesús
1. Iné echi VIDEO o leeri Lucas 19:1-7, alí biné jepuná preguntas:
¿Piri ta biné japi isili Jesús?
2. Ke ti majaa raʼichásaré sinéami echi pagótami echi Biblia jitra.
Isí japi riká Jesús
3. Bichiwi Jeobá. Jeobá ko iyali espíritu santo jiti echi Jesús omérima nawesia alí echi riká cho isima mi yúa (Mat. 10:19, 20; Luc. 4:18). Nikúurili tani Jeobá jiti mi ke majaa raʼichama echi pagótami yúa japi a mi majáritisaré (Hech. 4:29).
4. Sinéami chopi riká niraa iné. Isini kaachi ati ke mulíwiaré echi pagótami jiti iseni ju jarecho yúa, a keʼré japi we winomíwami ju o ke winomíwami, o japi riká piré, o japi iyiri bichiwi. Nalí be newalá jepuná:
5. Kiti majaa, nalí ayénachó nátika isí (Mat. 10:16). We aʼlá riwiwi echi pagótami alí kiti iyó echi yúa. Echi japi mi yúa raʼicha ke mi kipúnalaká o ami mayéaká japi chati namuti mi olama, kilí niraa suwiní raʼichia alí ku simí (Prov. 17:14).
