KU SIMÍ BINÉRISIA
BINELÍWAMI 7
Kiti riwé bineria
Japi aní echi Biblia: “Tarapé siné ariweli binéraga nawésiya Jesucristo Raʼíchala” (Hech. 5:42).
Japi isili Pablo
1. Iné echi VIDEO o leeri Hechos 19:8-10, alí biné jepuná preguntas:
¿Piri ta biné japi isili Pablo?
2. Ati iʼwérili nokisáré ku simíaya yúa raʼichasia echi japi a kipujú jiti chotásipo bineria echi Biblia.
Isí japi riká Pablo
3. Simí binérisia japalí ikiro echi pagótami. Nárika isí: “¿Chu kabú a ikírima tamí yúa raʼichia? Alí, ¿kumi niraa aʼlá nima binelia?”. Iʼwérili isí ku simiyá binérisia echi pagótami tákoré mi isini kaachi a we jilí niraa checho ku simiyá.
4. Nari chumi kabú checho ku omérima yúa raʼichia. Ma suwinimia raʼichia echi pagótami yúa, ané piri mi rawé alí chúrikó mi checho ku nawama yúa raʼichasia. Alí ne echi riká isí.
5. Kiti siwé. Japalí mi ke riwisaa echoná bitichí o japalí ke ikírisa binea, kiti natá japi echi pagótami ke binénali (1 Cor. 13:4, 7). Kiti riwé iʼwiria alí aa echi pagótami, nalí be iʼwiri japi a ne bichíwali binénali (1 Cor. 9:26).
