KU SIMÍ BINÉRISIA
BINELÍWAMI 9
Natá japi nili jarecho
Japi aní echi Biblia: “Kanílasi echi auché jaré pagótami yuwa mapu ikí ne galá kanílami ju [...]. Nalákasi echi auché jaré pagótami yuwa mapu ikí nalákami ju” (Rom. 12:15).
Japi isili Jesús
1. Iné echi VIDEO o leeri Marcos 6:30-34, alí biné jepuná preguntas:
¿Piri ta biné japi isili Jesús?
2. Japalí ti nata japi chu nili echi pagótami, ati chiliwea nila, jiti bela ke ti tasi pe ruyé bi japi aní echi Biblia nalí ayénachó ati iʼwírinali.
Isí japi riká Jesús
3. We aʼlá kipú. Riwé japi echi pagótami raʼichama alí kiti nukumé japalí raʼicha. We aʼlá kipú japalí mi ruyesa japi iyiri nili o japalí mi anesa chúsiá ke binénili echi Biblia. Ami we aʼlá kipúsaká, echi japi mi yúa raʼichia wilí machimea japi mujé ko we natéami niraa iné japi riká nata.
4. Natá echi pagótami jitra. Newalá japi timí iyiri raʼíchili alí nárika isí:
-
“¿Chúsiá we natéami ju japi machimea japi aní echi Biblia?”.
-
“¿Chúriká iʼwírima jipi alí pe aminana a chotásaká binea echi Biblia?”.
5. Raʼichá echi namuti jitra japi a iʼwírima echi pagótami. Ne kulí jonsa ruyé japi echoná Bíbliachi uchuwi japi iyiri machinali alí japi aní echoná we aʼlá iʼwírima.
