Japalí ikí karú ikiwáami, echi testigo Jeobá sapú simía kuʼírisia echi rejimá japi nakí japi kuʼíripa. Echi riká newaré japi ta né bichíwali nakí echi rejimá (Juan 13:34, 35; 1 Juan 3:17, 18). ¿Chúriká kuʼíriwa?

Ata kuʼiri nijika winomí. Echi rejimá Antioquía piréami nijili winomí kiti kuʼíroma echi rejimá Judea piréami japalí lochéa pireeli (Hechos 11:27-30). Echi riká cho ju jipi, japalí ta machí japi echi rejimá jaréana piréami we risoa nili, ata nijí winomí echoná congregación kiti júlipa (2 Corintios 8:13-15).

Aboni ta simia kuʼírisia. Echi ochérami japi mulipi piré japoná cháriká ikili, a simiba áasia ibili niraa echi rejimá acha aʼlá muchuwa. Ayénachó nirú jaré rejimá japi nakúurami ju, jéaníami comité japi nakúuri, echi ko niji koʼwáami, baʼwí, napachi, óonami alí japoná pirélima. Wiká Testigo, japi nakúurinali, a simía nakúurisia echomí kiti kuʼírima checho ku niwayá echi kalí japi najuli, ayénachó Japoná Biné echi testigo Jeobá. Sinibí japalí echi riká ikisuwa we sapú simia nakúurisia kiti ma machí chúriká napawika nochama. Tákoré “ne bachá niráa [kuʼiri] echi jaré ritémtami galá bichíyami Jesucristo”, a omérisaká ayénachó kuʼiri jarecho pagótami japi ke testigó Jeobá ju (Gálatas 6:10).

Ata simárika raʼicha japi isima Jeobá. Echi rejimá japi risoa nili a nakí japi kanílitipa echalí rawé, Jeobá “Binói sinibí tamujé tamí ku kanílata mapalita oʼmona” (2 Corintios 1:3, 4). Kiti bela, echi japi omona nili ata ruyé japi aní echi Biblia, ata ané japi ma keʼayó echi Onorúami Gobiérnowala suwábima suwaba echi namuti chati japi ikísimi, echi okolíwami alí echi risoa níliwami (Apocalipsis 21:4).

• ¿Chúsiá sapú simiba nakúurisia echi testigo Jeobá japalí risoa ikisá?

• ¿Chúriká ta kaníliti echi rejimá japi risoa nili?