Japoná ta napawí ke nirú pali japi bujema japalí bineri. Nalí be, jawáliwa rejoy aʼlá machíami japi “galá nis[é] siʼnéami echi auché jaré mapu ikí galá bichíi echi Walubela Jesucristo niráa” echi riká japi riká nokali echi bacháwala Jesús najátami (Hechos 20:28). Jepuná ochérami aʼlá machí japi aní echi Biblia alí né echi riká noká japi biné, kiti bela bineri alí tibú echi rejimá japi riká bilé buwá niséami, né aʼlá kanílika noká, ke tasi “mapurigá ʼwérali nulérami niráa, nibilé cho nakigá máputamo natétarami níibo,” nalí jiwérika nokaká (1 Pedro 5:1-3). ¿Chúriká ta kuʼíriwa?

Ata kuʼíriwa alí tibúliwa. Echi ochérami busuré iyá echi rejimá alí kuʼirí kiti aʼlá nijéwima Jeobá. Kiti echi ko a machí japi jawárami ju Onorúami kitra, kiti bela ke me nuláami ju, nalí kuʼirí echi rejimá kiti aʼlá pirélima alí kanílika (2 Corintios 1:24). Echi riká japi riká bilé rejoy buwá niséami aʼlá tibú ibili niraa echi buwá, echi ochérami ayénachó tibú alí kuʼiro ibili niraa echi rejimá (Proverbios 27:23).

Ata kuʼíriwa nijewia Onorúami. Sinibí tarali niraa echi ochérami raʼicha echoná napawíliwachi, alí echi riká ta kuʼíriwa kiti aminabi bichíwipa (Hechos 15:32). Echi rejoy aʼlá nóchami ayénachó ané echi rejimá japi kumi simama nawisasia, tamujé yúa ma simiba alí ta binériwa chúriká nawisaba.

Ata kuʼíriwa kiti ta ke siwepa. Echi ochérami we nakuuri, a simía tamujé pirélachi, ayénachó ata yúa raʼíchiwa japoná ta napawí. Echi Biblia nee japalí ta busuréliwa (Santiago 5:14, 15).

Echi ko pe ke echoná napawíliwachi bi nocha, né nokí sinéami nocha mea winomí alí napawíka raʼicha echi téemala japi yúa piré. Jepuná rejimá ko we nóchami ju kiti bela riwíwisaré (1 Tesalonicenses 5:12, 13).

• ¿Piri noká echi ochérami echoná napawíliwachi?

• ¿Chúriká ta kuʼíriwa ibili niraa?