Echi rejimá japi Betel muchuwi we nocha nakúura kiti nawisárami nima echi raʼíchali kalabé, jare kuʼíri bilé pais alí jarecho ko wiká país. Nirú jaré rejimá japi suwinárika raʼíchami ju alí osá japi riká raʼíchami ju, jarecho ko niwa videos alí grabari echi oselí kiti mi kipuma raʼíchami, jaré ko buyanásimi alí nawisúlika muchuwasi echi oselí.

Bilé Comité de Sucursal iné acha aʼlá nocha. Echi Japi Aʼlá Niseri jáwili bikiá ochérami jarecho si ma, kiti aʼlá tibuma ibili sucursales, Comité de Sucursal aniliwaami ju, echi ochérami aʼlá machíami ju. Echi ju japi ané chúriká nochawa echoná, alí piri ka jilika nocha, jepuná ko kuʼiri echi Japi Aʼlá Niseri kiti machimea piri binelíwami ruyema japalí ta napawí wiká pagótami yúa ayénachó japalí ta napawí japoná biné echi testigo Jeobá alí echi ko osaká nijí echoná oselichi. Isini kaachi echi Japi Aʼlá Niseri juli bilé rejimá ibili niraa japi ikiana nirú sucursal, jepuná rejimá kuʼiri echi Comité de Sucursal anelíami kiti aʼlá inema echi nochali (Proverbios 11:14). Echalí rawé we natéami ju kiti napawí japomí nirú echi sucursal kiti kipuma echi nawésali japi echi rejimá, japi central mundial ka jona inari, raʼicha kiti kanílima echi japi kipú echi nawésali.

Echoná jonsa kuʼíriwa echi congregacion. Echoná sucursal jona nakiiwa chu kabú jawárami nima kulíwami congregaciones. Ayénachó aneliwa echi precursores alí echi japi julárami ju nawisánilia jarecho país kumi simama nawisasia alí kumi simama echi oʼwéala ochérami circuito. Japalí nirúlimaré napawíliami japi napawí bilé rawé, bikiá rawé ma, echoná sucursal jona aniwá chu kabú nirúlima echi napawíliami alí kumi nima, ayénachó echoná jona aniwá kumi alí jépuká niwama echi kalí Japoná biné echi Testigo Jeobá alí julawa echi oselí omáana congregaciones. Suwaba japi iki nokiwá echomí sucursal nakuuri kiti we aʼlá nawisárami nima omáana Wichimóbachi (1 Corintios 14:33, 40).

• Echi Comité de Sucursal, ¿chúriká aʼlá kuʼiri echi Japi Aʼlá Niseri?

• ¿Piri aniwá alí piri nokiwá echoná sucursal?