PARTE 6
¿Piri ta biné Echi Walubé Ukí kitra?
Onorúami ko suwábili echi pagótami chati, we nalí niyúbili echi Noé alí echi japi yúa pireili (Génesis 7:11, 12, 23)
We jiwérami ukuli 40 rawé alí 40 rokó alí echi baʼwí ko póoli omáana Wichimóbachi, alí echi pagótami chati ko suwili.
Echi chati ángeles ko riweli japi riká rejoy ka alí Satanás yúa napawili alí demonios najítili.
Echi japi pachá árcachi mochili ko niyúbitami nili. Tákoré pe aminana, Noé, echi upila alí echi kúchuwala suwili, Onorúami ko a isiima kiti checho a ku pirélima alí a oméroma sinibí pirea.
Onorúami ko checho a suwábima echi pagótami chati, we be nalí niyúbima echi pagótami aʼláala (Mateo 24:37-39)
Echi Diablo alí echi demonios a bijí eki echi pagótami kiti ke nijéwima Jeobá.
Japalí biteili Noé niruili pagótami japi ke nijéwami nili Jeobá nuláala alí jipi ayénachó a echi ko riká ju. Jeobá ko ma keʼayó suwábima echi pagótami chati (2 Pedro 2:5, 6).
We nalí wiká pagótami ko ju japi riká Noé kiti a kipú Onorúami alí noká japi echi aní, echi ko ju echi testigo Jeobá.
Ayénachó mi machináliré
ECHI BIBLIA, ¿PIRI JU JAPI ANÍ?
Pagótami japi niyúbitami nili japalí Jeobá júali Echi Walubé Ukí
¿Chúriká muwésili echi chati nokáami suníami Wichimóbachi? ¿Chúriká néwariwélitili Noé japi a bichíwili Onorúami?
LIBROS ALÍ FOLLETOS
¿Jépuká ju japi nulá jenaʼí Wichimóbachi?
Ami binésaká echi Biblia ami kanilimale machiya japi wika pagótami ma bineli. Bine chusia we ala ka japi we nateami ju japi mi machimea alí japi ikimea pe aminana.
