Natá chúsiá mi nawisama echi raʼíchali. Japalí mi echoná bitichí jonsa biné japi mi iyiri binérima, nárika isí: “¿Chúsiá ni nawisama na raʼíchali? ¿Jiti echi pagótami machimea bilé namuti? ¿Jiti aʼlá bichíwima japi binema o jiti nokimea japi riká biné?”. Echi riká mi natásaká ami machimea chumi riká ruyema echi namuti we natéami alí mi binérima echi namuti japi mi iyiri binérnali.

We aʼlá ruyé chu iyiri ju echi tema japi. Japalí mi nawesia wilí, checho ku ruyé japi chu iyiri ju echi tema, jiti echi pagótami ke wikawama japi mi iyiri bineria wilí.

We aʼlá ruyé echi namuti japi we natéami ju jiti aʼlá námima. Natá chumi kilí isima nawesia bilé raʼíchali alí nawisá bi echi namuti we natéami japi mi iyiri binérima. Kuabi namuti aa japi we natéami ju alí we aʼlá ruyé. Ma suwénisa ruyea bilé namuti we natéami alí miná ko biléala che ruyé alí kiti né sapuka ruyé.