BINELÍWAMI 15
Néwariwéliti japi mi aʼlá wichii japi mi iyiri bineri
1 Tesalonicenses 1:5
JAPI MI BINEMA: Néwariwéliti japi mi aʼlá wichii japi mi iyiri bineri alí japi we aʼlá iʼwírima echi pagótami japi mi kipúa muchuwi.
CHUMI RIKÁ ISIMA
-
We aʼlá biné japi mi binérima. We aʼlá biné japi mi animea jiti mi aʼlá machimea japi mi iyiri binérima alí japi aní echi Biblia. Nee echi raʼíchali japi ke me jilírami ju jiti aʼlá námima. Natá chúriká echi nawésali japi mi binérima iʼwírima echi pagótami japi mi kipuma. Jeobá tani echi espíritu santo jiti mi iʼwírima.
-
Japalí mi raʼicha wilí néwariwéliti japi mi aʼlá wichii japi mi iyiri bineri. Kiti leeri bi japi oserúa chukú, nalí binoy raʼíchika ruyé. Japalí mi raʼicha néwariwéliti japi mi aʼlá wichii japi mi iyiri bineria wilí.
-
Né bichíwika raʼichá alí né sulachí jonsa. Iʼwérika raʼichá jiti mi sinéami kipuma. Jaréana piréami pagótami naʼawa japalí ti we inesa, ke echi riká nísaká japoná mi bineri, ineka raʼichá echi pagótami.
