Natá piri namuti ma machí echi pagótami japi mi kipúa muchuwi. Kiti me ruyé echi namuti japi ma aʼlá machí echi pagótami. Tákoré mi binerie echi tema japi ma machí echi pagótami nalí be suwiná riká niraa bineri jiti kulíwami namuti machimea.

We aʼlá biné alí natá japi mi iyiri binérima. Japi riká mi aʼlá binérima echi namuti we natéami ami omériaká, aní jaré namuti japi ke me machiwá o echi namuti japi ikísimi jipi rawé. We aʼlá natá chúriká echi raʼíchali japi mi jaréanacho oselichi aali, we aʼlá mi iʼwírima ruyea japi mi iyiri binérnali.

Ruyé chúriká iʼwírima echi nawésali japi mi bineria wilí. Ruyé chúriká echi busuré japi Bíbliachi uchuwi iʼwírima echi pagótami sinibisi rawé. Ruyé echi namuti japi a machí echi pagótami japi mi kipúa muchuwi japi riká echi namuti japi ikí jipi rawé, japi riká nata echi pagótami alí japi noká.