Bineri jiti echi pagótami natama japi iyiri noká. Japalí mi bineria wilí, jéané echi japi mi kipúa muchuwi: “Nárika nokisí: ‘¿Chu ni riká isimí? ¿Achi ni aʼlá nijéwiami ju Jeobá? ʼ”. Echi riká mi anésaká, aboi natama echi pagótami japi iyiri nokimea.

Bineri japi riká we kanílika nijéwima Jeobá. Ruyé echi japi mi kipúa muchuwi chúsiá iʼwérili noká nijewia Jeobá. Kiti iyónika raʼichá echi pagótami, kiti iyónika nulé japi iyiri nokimea nalí bineri japi chúriká aboi nátika nokimea japi iyiri nokisare. Echi riká mi isísaká, ke tasi aʼmónika ripima echi pagótami japalí mi ma suwénisa nawesia, nalí kanílika nijéwima japi Jeobá nulá.

Bineri jiti echi pagótami mulíwima Jeobá. Bineri japi chúriká echi busuré alí echi nulalíwami japi Bíbliachi uchuwi, nikuuro jiti ta aminabi mulíwipo Onorúami alí néwariwéliti japi ta we nakirúami ju Onorúami jitra. Ruyé echi japi mi kipúa muchuwi jiti machimea japi chu nili Jeobá alí jiti nokinálima japi echi nulá.