Japalí mi ma suwinima nawesia, checho ku ruyé echi tema japi mi binérili. Japalí mi ma suwiní nawesia bilé raʼíchali, checho ku aní echi tema japi mi nawésili; ayénachó aʼlá nima ami checho ku ruyésaká echi namuti we natéami jiti echi japi mi kipúa muchuwi newalama japi mi iyiri binérili.

Ruyé chúsiá we natéami ju japi nokimea japi mi binérili. Japalí mi ma suwiní nawesia bilé raʼíchali, ruyé echi japi mi kipúa muchuwi chúriká kanílika pirélima; ayénachó ruyé chúsiá we natéami ju japi nokimea japi iyiri bineli. We kanílika ruyé, jiti echi riká nokimea. Echi riká mi isísaká echi japi mi kipúa mochili machimea japi mi we aʼlá wichii japi mi iyiri nawésili.

We aʼlá ruyé nalí kiti né wiká raʼichá. Kiti ruyé echi namuti japi mi ke ruyeli japalí mi bineria wilili. We aʼlá ruyé alí nee echi palabras japi ke me jilírami ju inámilia jiti echi japi kipúa muchuwi nokinálima japi mi binérili.