BINELÍWAMI 7
Bineri japi né bichíwali ju
Lucas 1:3
JAPI MI BINEMA: Aa echi oselí o jarecho namuti japi né bichíwali raʼicha japi mi iyiri binérima, jiti echi japi mi kipuma ke natama japi ke bichíwali ju.
CHUMI RIKÁ ISIMA
-
Aa echi oselí o jarecho namuti japi né bichíwali raʼicha. Bineri japi aní echi Biblia; leeri japi riká oserúa uchuwi echoná. Ayénachó mi omérima ruyea japi aní echi científicos, japi aní echi noticias, japi ikili echi hermanos o jarecho namuti; bachá natá achi né bichíwali ka japi mi iyiri ruyema.
-
Aʼlá ruyé japalí mi jarecho oselí nee. Japalí mi ruyé bilé texto bíblico a mi machisare jépuká anili alí chúsiá echi riká anili; ayénachó mi machisare japi mi iyiri bineri achi né echi riká aniyá echi Biblia alí echi “galá oláami pioni” (Mat. 24:45). Ami ruyésaká japi jarecho pagótami osali japi ke testigo ju, ami aʼlá leérima japi riká osali echi pagótami.
-
Iʼwiri japi kipúa muchuwi jiti natama japi mi iyiri bineria wilí. Ma leérisa bilé texto bíblico o bilé oselí, natá japi mi iyiri nárima jiti echi pagótami aʼlá binema alí jiti aboi machimea aʼlá ruyea japi mi iyiri binérili. Echi riká cho isí bilé ejemplo néeka.