Sinéami pagótami a newalé echi winomí, ¿chúsiá? Kiti ralimea koʼwáami alí jarecho si namuti (Proverbios 30:8). Ata né echi winomí kiti ta raliboa echi namuti japi ta newalé (Eclesiastés 7:12). Isini kaachi jaré niwíkami naʼawi japalí raʼicha japi chúriká suwábima echi winomí, we nalí emi ko kiti naʼáwisi japalí ta mi raʼicha echi kitra (Efesios 4:32). Né bichíwika nokisí okuaka japi ta mi aní alí okuaka raʼíchika anisí piri ta mi ralayá suwábipo echi winomí.

JAPI ANÍ ECHI BIBLIA: “ʼYemi mapuyíripi niwánali bilé ripabé wilíami kalí, né bachá niráa galá ʼnatama chu kipu suwábamilé wenomí echi kalí niwayá, acha binói niwa echikí wikabé wenomí, mapurigá binói galá omérama kayena echi ripá wilíami kalí” (Lúkasi 14:28). Okuaka raʼichasi piri ka ta mi raliboa echi winomí kitra (Amós 3:3). Raʼichasi piri ka ta mi we newalé alí kipi winomí ta mi suwábipo ralayá (Proverbios 31:16). Ata mi a oloyá ko winomí kiti pe chuwé namuti ralayá suwábisi. Kiti me wiká namuti wikaʼa, ami olásaka winomí echi kitra ralá (Proverbios 21:5; 22:7).

JAPI MI ISIMA:

• Japalí mi ma ralisá suwaba namuti japi mi newalé a ripía ko winomí, okuaka raʼichasi piri ka ta mi olabo echi winomí

• Ke ta mi sibaria ka winomí aʼlá natasi japi chúriká ta mi ke me suwábipo. Kiti pe chuwé namuti ralayá suwábisi

JAPI ANÍ ECHI BIBLIA: “Suwaba namuti galabé wachínaga niráa olabo” japi riká mi ju Jeobá yúa, ayénachó echi riká si nili echi pagótami yúa (2 Corintios 8:21). Rejoy, ruyé mujé upila chu ikí winomí mi natétiwa alí chu ikí mi suwabi ralayá, mukí echi riká cho ané mujé kunala.

Bachá okuaka aʼlá raʼichasi piri ta mi olabo echi winomí (Proverbios 13:10). Okuaka raʼíchika echi riká ta mi nokisáaká ke ta mi naʼáwipo. Kiti pe mujé bineli bi níwala ka nili echi winomí kiti emi okuaka níwala ju, mujé kúchuwala si (1 Timoteo 5:8).

JAPI MI ISIMA:

• Raʼichasi emi okuaka chu ikí ta mi winomí suwábipo ralayá ibili niraa emi, kiti ta mi ma ke che naria járipo

• Aʼlá ta mi kecho risoa níliachi echi winomí kitra bachá raʼichasi piri ta mi olabo echi winomí