JAPI ANÍ KUMI MOCHIMA. Echi japi aní kumi mochima mi kuʼírima. Nijewi japi mi ané, ami ruyema kumi riwemia echi carro, mi ruyema kumi inárima, mi ruyema kumi mi asimea, oché jarecho si namuti.

JAPI NOCHÁNALI. Ami nikúrnalaka nocha japi jenaʼí napawíliwachi nochawi, simí echomí jéaníami Japi Nochánali, echoná muchuwi japi mi ruyema kumi mi nochama.

JAPI PAKÓMARE. Japi pakómare a mochima mulipi japi plataforma wilí o oché biléana japi emi ruyé. Japi pakómare a mochísaré kecho ruyéachi echi nawésali japi ruyérami nímalé japi pakoma, echi nawésali a nijírami nima sábado biʼá. Sinéami a tomea bilé toalla alí napachi si ke chaʼikami nísaré japi tomea alí kecho tiili.

JENAʼÍ MI IWÍRIPORÉ NAYUSA. Echi hermanos japi na departamento nocha we sapuka kuʼírima japi newalé japalí chati namuti ikisaa alí mi nayusa.

KUMI MI ASIMEA. Mi ta taní japi we aʼlá isísaré jarecho yúa. Ke wikawá japi mi asibama bi japi mujé téemala chopi ju, japi emi yúa siri, japi emi yúa piré alí japi emi yúa biné echi Biblia. Ke riwesi namuti echoná síllachi japi timí ke mochibo.

NAMUTI WIKAMI. Ami riwísaaká bilé kaachi japi wikali, too echomí Departamento japi aní ko na Namuti Wikami. Ami wikáwisaká bilé namuti, simí echomí aamia. Ayénachó mi tósaré echi kuuchi japi wikami ju. Echi hermanos japi echoná departamento nocha ke tibumia muchuwi echi kuuchi. Emi ta taní japi tamí tibuma emi kúchuwala alí ke riwesi awénili echi kuuchi.

WINOMÍ JAPI TA NIJÁ. A suwábitami nili wiká winomí mapu riká nirúlima kumi ta mochima, japi riká ta oméripa we aʼlá kipúa alí inea echi videos, alí ayénachó oché jarecho namuti japi rameli kuʼírima we kanílika kipúa alí binea Onorúami Raʼíchala. A natétima suwaba na namuti echi winomí japi nijírami nima, ayénachó nikuwi echi nóchali japi niwá echi testigo Jeobá suwínimali kawichí. Japoná ta napawí suwaniami a nirú cajas japi a nijínali ko winomí awáa echoná cájachi. Ayénachó mi omerima nijía winomí echoná Internet, echoná página donate.pr418.com. Waʼlú matétara emi iyá japi tamí nijá winomí. Echi hermanos Japi Aʼlá Niseri waʼlú matétara mi iyá japi riká timí nikuuro jiti nawisárami nima echi Raʼíchali Kalabé.

Escuela japi biné echi Nawésami Raʼíchali Kalabé. Bayewa echi japi precursores ju, japi 23 alí 65 bamíbami cheka alí japi we aʼlá binériami nínali alí japi kuwírnili jarecho. Japi simánali echoná escuélachi a simásaré na napawíliachi echi ko nima oméachi aʼlí. Echoná plataforma jona animea chukiliko nima alí kumi nima echi napawíliachi.