JAPI ANÍ KUMI MOCHIMA. Echi japi aní kumi mochima mi kuʼírima. Nijewi japi mi ané, echi ko mi ruyema kumi mi riwema echi carro, kumi mi inárima, kumi mi asimea alí auché jarecho si namuti.

JAPI NOCHÁNALI. Ami nikúurinalaká nochia japi jenaʼí napawíliwachi nocháliwa, simí echomí japoná jéaní “Japi Nochánali”, echoná muchuwi japi mi ruyema kumi mi nochama.

JAPI PAKÓMARÉ. Japi pakómaré mochima mulipi japoná plataforma wilí o auché biléana japi emi ruyé. Japi pakómaré ma mochísaré kecho chotásiachi echi nawésali japi ruyérami nima japi pakoma, echi nawésali nijírami nima sábado biʼá. Sinéami tomea bilé toalla alí napachi si, ke chaʼíkami nísaré japi tomea alí ke cho tiili.

JAPONÁ IʼWÍRIWA JAPALÍ NAYUSA. Echi hermanos japi jepuná departamento nocha, we sapuka kuʼírima japi newalé japalí chati namuti ikisaa o nayusa ma.

KUMI MI ASIMEA. Ati mi tani japi mi we simárika isíami nima jarecho yúa. Newalá japi mi bi asibama mujé téemala yúa, japi mi yúa siri, japi mi yúa piré alí japi mi yúa biné echi Biblia. Ke riwesi namuti echoná síllachi japi timí ke mochima.

NAMUTI WIKÁAMI. Ami riwisáaká bilé namuti japi wikali, too echomí departamento japoná aní “Namuti wikáami”. Ami wikáwisaká bilé namuti, simí echomí aamia. Ayénachó mi tósaré echi kuuchi japi wikáami ju. Nalí, echi hermanos japi nocha echoná, ke tibumia muchuwi echi kuuchi, jiti la ati mi tani japi mi we aʼlá tibuma mujé kúchuwala alí japi mi ke awénili riwema echi kuuchi.

WINOMÍ JAPI TA NIJÍ. A suwábitami nili wiká winomí jiti nirúlima kumi ta mochibo, japi riká ti oméripo we aʼlá kipúa alí inea echi videos alí ayénachó auché jarecho namuti japi tamó iʼwírima we kanílika kipúa alí binea Onorúami Raʼicháala jitra. A natétima suwaba jepuná namuti echi winomí jitra japi nijírami ju, ayénachó iʼwíriwa echi nóchali japi niwá echi testigo Jeobá omáana wichimóbachi. Japoná ta napawí omáana a nirú cajas jiti echi japi nijínali ko winomí awama echoná. Ayénachó mi omérima nijía winomí echoná internet, echoná página donate.pr418.com. Ati waʼlú matétara emi iyá japi timí nijí winomí. Echi hermanos Japi Aʼlá Niseri waʼlú matétara timí iyá japi riká timí nikuuro jiti nawisárami nima echi Raʼíchali Kalabé.