BINELÍWAMI 11
¿Chu riwéami nili echi pagótami japi osali Jesús kitra?
Iné echi pagótami japi echoná muchuwi. Echi ko riwewi Mateo, Marcos, Lucas, Juan, Pedro, Santiago, Judas alí Pablo. Echi ko piréami nili japalí Jesús biteili, aboi osali japi isíiami nili Jesús. Japi echi osali echoná Bíbliachi oserúa uchuwi. ¿Ami che machinali piri nokala na pagótami?...
¿Jépuká ju echi pagótami?
Bikiá echi rarámuli, we aʼlá amigos nili Jesús yúa, bikiá ka járili Jesús yúa raʼicha echi pagótami Onorúami kitra. ¿Chu riwéami ju? Mateo, Juan alí Pedro. Aa echoná dibujo, ¿kumi muchuwi?... Mateo ko osali japi chu isíiami nili echi Jesús, Juan ayénachó si osali Jesús kitra. Juan osali echi oselí Apocalipsis (Revelación) riwéami, ayénachó osali bikiá carta: 1 Juan, 2 Juan alí 3 Juan. Echi Pedro ko okuá carta osali: 1 Pegro alí 2 Pegro. Echoná 2 Pegro osaká uchali bilé raʼíchali we natéami japi Jeobá raʼíchili Jesús ripá jona, Pedro ko námili Jeobá raʼíchachi, echi ko jéaneli Jesús: “Jepuná ju nijé ranala, japi ni we mi kalé alí nijé ko we kanili echi yúa”.
Jaré rarámuli japi si muchuwi echoná dibujo ayénachó si osali Jesús kitra. Echi ko Marcos nili. A ma riwáliré japalí risoa olari Jesús. Bilecho ko nili Lucas. Echi ko ónami nili, a ma mayewa japi echi Lucas Jesús najátami nili japalí mukúlachi Jesús.
Okuá echi Jesús bonilá ayénachó osali Jesús kitra. ¿Ami machí chu riwéami nili?... Echoná dibujo muchuwi, Santiago alí Judas riwéami. Né kulí ko tasi bichíwami nili japi Jesús binérili. ¡Mayeli japi Jesús ke aʼlá nátami nili! Pe aminana ko machili japi we aʼlá binériami nili, kiti bela Jesús nalí najátila ko.
Jipi ko raʼichabo Pablo kitra. ¿Ami iné kumi atí Pablo echoná dibujo? Kecho Jesús najátami ka Saulo riwéami nili. Echi ko we kichili alí we risoa olali echi pagótami japi Jesús najátami nili. ¿Ami machinali chúsiá Jesús najátami nili?... Siné rawé Pablo ko ubuchími inárili echi ko námili ripá jonsa raʼicháchanachi. ¿Jépuká raʼíchilalé? ¡Jesús raʼíchili! alí jéaneli: “¿Chúsiá mi risoa olá japi tamí bichiwi?”. Pablo ko machili japi ma ke che risoa olama Jesús najátami, kiti bela Jesús cho najátami ayenila ko. Echi ko osali, 14 oselí oserúa uchuwi echoná Bíbliachi, echi ko ju Romanos alí Hebreos suwénili.
¿Kecha a bichíwali ju ni japi ta we kanili sinibí rawé leeria echi Biblia?... Echoná mi machimea japi isili Jesús. ¿Ami che binénali echi kitra?...
