Japalí mi majaa asisaa, ¿piri mi isimí?... Ami sapú bayé mujé onolá mujé iyela ma. We nalí, ¿jépuká si mi tibúma?... Jeobá ju, echi ko we jiwérami ju, echi pagótami ko ke me. Kiti bela mi raʼíchima ko kiti mi iwírima jéané japi sinibí mi tibuma. Echi David ko echi riká isili. Echi ko Jeobá bi bichíwami nili kiti bela ke iyiri majáami nila ko. Echi Biblia ko echi kitra raʼicha.

Echi wénwala ko binérili Jeobá kitra echi David taa kaachi. Kiti bela ke wesi majáami nila ko. Tákoré japi ikili David we jilí nili. David ko machiyé japi Jeobá iwírima kiti machiyé echi amígowala ju. Siné rawé David ko bowá nisea iyenili, ¡bilé mawiyá nawali chapisia bilé bowá! ¿Ami machí piri isili David? Sapú maali najátisia echi mawiyá alí binói sikati chapiká miʼali. Che siné ko nawali bilé ojí chapisia cho méchuli, echi ayénachó miʼali. ¿Chúsiá David ke majáami nili?... Kiti Jeobá iwírili.

Che machiboa kabú si ke majáami nila David. Japalí echi israelitas nakowi echi filisteos riwéami yúa. Bilé echi filisteo Goliat riwéami, wilí rejoy nili ¡we ripá wilíami! Echi Goliat we nakawéelika raʼichi echi Jeobá kitra, ayénachó echi pagótami israelitas. Goliat jéané echi sontarsi israelitas: “¿Jépuká tamí yúa nikónili?”. Echi ko we majaa, tasi wesi yúa nakónili. David ko námili échaníachi echi Goliat, jéaneli ku: “¡Nijé ko a nikoma mi yúa! ¡Jeobá tamí iwírima kiti ni mi mitimea nikowa!”. ¿Acha majáami nili David?... Ke, echi ko ke bilé majáami nili. ¿Alí chu isili?

David ko napabuli malí rité riʼwaami alí bilé wía wichí kitra niwárami, echi toká simili nikosia echi Goliat yúa. Echi ko ineli David taa towí kaachi, echi ko nakawéelika raʼíchili echi kitra. Alí biché David ko jéaneli: “Mujé ko waʼlú piyaka inari, ¡we nalí nijé ko mi yúa nikoma Jeobá nikúurala kitra!”. David ko simili japoná wilí echi Goliat, rité achaka wíachi basibuka miʼali.  Echi filisteos ko inea jali, majaa ku jumisili. ¡Kulí ochérami nili David japalí miʼali echi Goliat! ¿Chúsiá ami niyuria isili?... Kiti Jeobá iwírili kiti mitimea, ¡Jeobá bi we jiwérami ju miná jaré ko ke!

¿Piri mi biné echi David kitra?... Japi Jeobá ko we jiwérami ju, echi pagótami ko ke. Kiti bela japalí mi majaa nílisa, natá japi Jeobá mi amigo niraa ineni echi mi tibuma kiti mi ke majaa nílima.