BINELÍWAMI 14

¿Chúriká nakí Onorúami japi ta echi nijéwipo?

ANERIA ECHONÁ

Japi riká ti bineki echoná binelíwami 13, Onorúami ko ke galé suwaba echi religiones. Nalí, a ti oméripo nijewia Onorúami japi riká echi nakí. ¿Chúriká nakí Onorúami japi echi nijéwipo o chu iyiri religión ju japi echi galé? (Santiago 1:27, TNM; nota). Ma inepo japi aní echi Biblia.

1. ¿Kumi aní chúriká nijéwipo Onorúami?

Echoná Biblia aní chúriká nijéwipo Onorúami. Jesús ko anili: “Mujé Raʼíchala echi ne Bichíwali ju” (Juan 17:17). Jaré religiones ko ke natéami niraa iné japi oserúa uchuwi echoná Biblia, japi Onorúami Raʼicháala ju. Echi ko nalí bineri alí noká japi riká echi pagótami. Nalí Jeobá ko ke galé japi ke nijewi japi echi nulá (leeri Marcos 7:9). Onorúami ko we kanili japalí ti a nijewi japi aní echi Biblia.

2. ¿Chúriká nijéwipo Jeobá?

Jiti Jeobá tamujé niwali, echi ko nakí japi ta echi bi nijéwipo (Apocalipsis 4:11). Jiti la, ati we galésaré Jeobá alí echi bi nijéwisaré, ke ti néesaré echi ídolos alí jarecho si namuti (leeri Isaías 42:8).

Japi riká ta nijewi Onorúami a nísaré japi riká echi nakí (Romanos 12:1). Pirélipo japi riká echi nulá. Japi we galé ko Jeobá, we natéami niraa iné alí nijewi echi busuréliami japi Jeobá iyá echi niwíkami. Ayénachó ke noká echi namuti japi nayunti, japi riká ke nee echi drogas, péwili alí ke cho echi alcohol. a

3. ¿Chúsiá ta nóchilisaré Jeobá jarecho yúa japi ayénachó nijéwami ju?

Japalí ti napawí sinibí tarali ati “Walubéala ané echi Jeobá [...] echoná napawíliwachi” (Salmo 111:1, 2). Echi riká ti noká japalí ti wikaraa (leeri Salmo 104:33). Jeobá ko tamó ané japi ta napawipo jiti we tamujé galé alí echi ko machí japi echi napawíliwami tamujé iʼwírima jiti kanila pirélipo sinibí. Japalí ti napawí, ati iʼwérili naré alí ti iʼwérili iyá jarecho.

AMINABI NATABO JAPI TA BINÉ

Ma inepo chúsiá Jeobá ke nakí japi ta néepo imágenes jiti echi nijéwipo. Ayénachó binepo chúriká nalí ta nijéwisaré Jeobá.

4. We chati ju japi ta néepo echi imágenes japalí ta Onorúami muliwi

¿Chúriká ta machí japi Onorúami ke galé japi ta néepo echi imágenes? Inesi echi VIDEO alí raʼichasi jepuná jitra:

VIDEO: ¿Achi nakí Onorúami japi ta néepo echi imágenes jiti ta echi mulíwipo? (3:26)

¿Chúriká ta machí japi Jeobá ke galeli japi echi puéblowala néema bilé imagen jiti echi mulíwima?

Jaré pagótami ko mayé japi muliwi Onorúami néeka echi imágenes. Nalí, ¿achi bichíwali mulíwiré Onorúami? Leérisi Éxodo 20:4-6 alí Salmo 106:35, 36, alí raʼichasi jepuná jitra:

¿Chu iyiri imágenes alí jarecho si namuti mi ritiwá japi nee echi pagótami?
¿Piri nata Jeobá japalí echi pagótami nee echi imágenes?
Mujé piri mi nata, ¿acha aʼlá ju japi ta néepo echi imágenes?

5. Ata Jeobá bi nijéwisaká ke ti bichíwipo japi ke bichíwali ju

Ata nijéwisaká Jeobá japi riká echi nakí ke ti bichíwipo japi ke bichíwali ju. Inesi echi VIDEO.

VIDEO: We ni kanili jiti ni machí echi bichíwali (5:16)

Leérisi Salmo 91:14 alí raʼichasi jepuná jitra:

Ati newa nokisáaká japi ta we galé Jeobá alí ti echi bi nijéwisaká, ¿piri isima Jeobá tamujé jitra?

6. Ata walubéala ané Jeobá echoná napawíliwachi

Japalí ti wikaraa alí nijí comentarios echoná napawíliwachi, ati iʼwérili nijí anakupi niraa alí ti walubéala ané Jeobá. Leérisi Salmo 22:22 alí raʼichasi jepuná jitra:

¿Ami kanili ipúa echi comentarios echoná napawíliwachi?
¿Ami kanílisa nili nijía comentario echoná napawíliwachi?

7. Jeobá ko we kanili japalí ta raʼicha jarecho yúa japi ta biné

Nirú suwinárika namuti japi riká ti omero raʼichia jarecho yúa japi aní echi Biblia. Leérisi Salmo 9:1 alí 34:1, alí raʼichasi jepuná jitra: