Jesús ko we machirúami ju jenaʼí Wichimóbachi. Tákoré wiká pagótami machí echi riwalá, nalí pe kuabi ju japi we aʼlá machí alí wiká pagótami ju japi suwinárika nata japi chúriká ju Jesús. ¿Chu aní echi Biblia Jesús jitra?

1. ¿Jépuká ju Jesús?

Jesús ko ju bilé espíritu we jiwérami japi bité ripá riwigachi. Echi ko nili japi Jeobá bachá niwali, jiti la anéliwa echi ne bacháwala japi ikí nirú (Colosenses 1:15). Echoná Biblia aní japi Onorúami anili japi echi Jesús “bilepi binoy Ranala” ju, jiti echi binoy isili niwayá (Juan 3:16, TNM). Jesús ko iʼwírili binoy Onolá Jeobá, niwayá suwaba namuti japi ikí nirú (leeri Proverbios 8:30). Alí Jesús ko a bijí we kanílika nocha Jeobá yúa. Ayénachó “Riosi Raʼíchala anérami ju”, jiti echi ko nawesa jarecho japi aní echi Onolá alí japi nulá (Juan 1:14).

2. ¿Chúsiá nawali Jesús jenaʼí Wichimóbachi?

Ma simírili 2,000 bamíali japalí Jeobá niwali bilé milagro, echi ko néeli echi espíritu santo jiti achama Jesús bitéala bilé tiwé María riwéami ropálachi. Jiti la Jesús ko ochérili jenaʼí Wichimóbachi japi riká bilé rijoi (leeri Lucas 1:34, 35). Echi ko nawali jenaʼí Wichimóbachi jiti nima Cristo o Mesías alí niyúbimia echi pagótami. a Suwaba japi anili echi profecías echi Mesías jitra, Jesús echi riká ikili. Echi riká echi pagótami machimea japi echi ju “echi Cristo [...] Riosi Ranala” (Mateo 16:16).

3. ¿Kumi atí Jesús jipi?

Japalí mukuli Jesús, echi ko wilásitami nili japi riká bilé espíritu alí ku ripá simili. “Echijiti Riosi wilali Jesucristo mapurigá [...] Walubela niráa” (Filipenses 2:9). Jipi ko Jesús olá bilé nóchali we natéami, nalí Jeobá bi ju japi wabé omériami ju echi yúa.

 5. Jesús ko nili echi Mesías

 JAPI MI BINELI

Jesús ko bilé espíritu we jiwérami ju, ayénachó Onorúami ranala ju alí echi Mesías.

Piri mi animea

• ¿Chúsiá Jesús anéliwa echi ne bacháwala japi ikí nirú?

• ¿Piri nóchali olali Jesús kecho nawayá jenaʼí Wichimóbachi?

• ¿Chúriká ta machí japi Jesús ju echi Mesías?