Japalí echi pagótami risoa ikisaa, echi ko machinali chúsiá echi riká ikí. Nalí, ati we kanili machiyá japi echi Biblia a ruyé jepuná namuti jitra.

1. ¿Chu isili Satanás jiti nirúlima chati namuti jenaʼí Wichimóbachi?

Echi Diablo sayérili Onorúami jiti nuláami nínali. Jiti la, echi ko isili japi Adán alí Eva ayénachó ke nijéwima Onorúami alí ikaleka aneli Eva (Génesis 3:1-5). Mayérili japi Jeobá ko ke aʼlá isíami ju alí japi ke iyá suwaba japi newalé. Echi ko ruyá anili japi echi pagótami wabé kaníliami nima ke nijéwisaká Onorúami. Japalí Satanás aneli Eva japi ke mukumea, echalí nili japalí bachá ikaleka anili. Jiti la echi Biblia ko aní japi Satanás “ne wabé ʼyékami ju; ayénachó echi riablo ne chokila ju ne suwaba echi ʼyékalawami” (Juan 8:44).

2. ¿Piri nokali Adán alí Eva?

Jeobá ko we aʼláala nili Adán alí Eva yúa. Echi ko aneli japi ukuma suwaba rakéami japi ikí jali echoná Edén, nalí pe bilepi ke ukusa riweili (Génesis 2:15-17). Nalí, ¿chu nokali? Echi Biblia ko aní japi Eva “ujuka ukuli echi rakala”. Pe aminana, Adán “ayénachó ukuli” (Génesis 3:6). Echi okuaka ke nijéwili Onorúami. Adán alí Eva sébali aʼlá nokáami nili, nalí echi ko aboi nátika ke nijéwili. Japi riká nokali néwariwélitili japi ke nakili japi Onorúami aboi nulema. Jiti ke nijéwili, echi ko we risoa nilia pireili (Génesis 3:16-19).

3. ¿Piri ta ikí jiti Adán alí Eva ke nijéwili?

Japalí Adán alí Eva ke nijéwili, ma ke sébali aʼlá nokáami nili alí echi kúchuwala echi riká cho ikili. Echi Biblia ko aní: “Aʼlí echi ne bachá bitéami rijói, Arani riwéami, ne bachá niráa chati olali. Echijiti pe wakinana echi Arani ma mukuli. [...] Aʼlí echalí jonsa ne siʼnéami pagótami arigá suwísimi mapujiti ne siʼnéami chati olali” (Romanos 5:12).

Alí, ¿chúsiá ayénachó ati risoa nilia piré? Jiti echi pagótami chati noká alí isini kaachi jiti tamujé aboi ke aʼlá nátika noká. Ayénachó sinéami ta karú ikí isini kaachi jiti ta jari o muchuwi japoná ti ke machí japi cha ikiboa (leeri Eclesiastés 9:11).

 AMINABI NATABO JAPI TA BINÉ

4. ¿Jépuká iyiri ju japi ta risoa nilia pirélipo?

Wiká pagótami ko mayé japi Onorúami nulá jenaʼí Wichimóbachi. Nalí, ¿achi bichíwali ju? Inesi echi VIDEO.

Leérisi Santiago 1:13 alí 1 Juan 5:19, alí raʼichasi jepuná jitra:

• ¿Achi Onorúami iyiri ju japi ta risoa nilia pirélipo alí japi nirúlima chati namuti?

5. Chúriká ti piré jiti Satanás nulá jenaʼí Wichimóbachi

1. Adán alí Eva sébali aʼlá nokáami nili alí pireili echoná weʼé we baʼóachi, nalí echi ko nijéwili Satanás alí echi riká sayérili Jeobá.

2.   Echalí jonsa sinéami pagótami ma ke sébali aʼlá nokáami ju, we risoa nilia piré alí suwí.

3. Jeobá ko isima japi ta sébali aʼlá nokáami nipo, japi ta ma ke suwiboa alí risoa nílipo. Echi pagótami checho ku we kanílika pirélima echoná Wichimóbachi we baʼóachi.

6. Jeobá we omona japalí ta risoa nili

Jeobá ko we omona japalí ti risoa nili. Ma inepo japi osali echi silíami David alí echi apóstol Pedro. Leérisi Salmo 31:7 alí 1 Pedro 5:7, alí raʼichasi jepuná jitra:

• ¿Chumi nili machiyá japi Jeobá we omona japalí ti risoa nílisa?

 JAPI MI BINELI

Satanás, Adán alí Eva, iyiri ju japi jenaʼí Wichimóbachi nirúlima chati namuti. Jeobá ko we omona japalí ti risoa nili alí echi ko ma mulipi suwábima echi chati namuti.

Piri mi animea

• Echi Diablo, ¿piri ikaleka aneli Eva?

• ¿Chuti ikí jiti Adán alí Eva ke nijéwili?

• ¿Chúsiá ti machí japi Jeobá ko omona japalí ti risoa nili?