Japi mi iʼwírima binea
¿Ami machí chúriká mi aama japi aʼlá ruyé echi textos jitra echoná Guía de estudio para los testigos de Jehová?
Japi aʼlá ruyé echi textos jitra mi iʼwírima jiti mi we aʼlá machimea japi aní echi Onorúami Raʼicháala. Jiti echoná aní wiká namuti japi bachá ikili ruyemia japi riká aní bilé versículo, jépuká nokisáré japi aní echoná alí piri aniwáami ju jaré raʼíchali.
Ami néeaká BIBLIOTECA INTERNET CHUKÚAMI Watchtower™ o echi aplicación JW Library® japalí mi leeri echi Biblia, ami riwimea wiká publicaciones japi ruyé echi textos jitra japi uchuwi echoná Guía de estudio. Suwaba echi Biblias japi ikí nirú echi riká cho ju.
Japalí mi nee echi oselí aʼlá iné japi chúriká machínisimi. Echi oselí japi kulíwami ju bachá uchuwi. Ami rilé niraa nokéwisaká, aminabi mi riwimea echi oselí japi chabéwami ju. Nalí ami newalásaré japi echi oselí japi chabéwami ju, jipi ko sinúrika niraa ruyéliwa.
Suwaba echi oselí japi uchuwi echoná Guía de estudio aboi machínisimi echoná BIBLIOTECA INTERNET CHUKÚAMI Watchtower.
Jiti mi omérima inea suwaba echi oselí echoná JW Library, descargari echi Guía de estudio alí mi sinibí actualizárisaré. ¿Chúriká mi isima? Simí “Biblioteca”, “Publicaciones”, “Índices” alí descargari echi actualización.
