BINELÍWAMI 51
CANCIÓN sjj 3 Nijé mi wichii, Jeobá
Jeobá ko we aʼlá inami chúsiá ti nalá
“Ami napabú nijé ikowala echoná mujé níwala bótechi namuti wichila jitra niwárami. ¿Wechi ke oserúa uchuwi echoná mujé níwala líbrochi?” (SAL. 56:8).
JAPI TA JITRA BINEPO
Japalí ta risoa nili, Jeobá we aʼlá inami alí machí japi chuti inili, alí tamó ku kaníliti.
1, 2. ¿Piri namuti isímiré japi ta nalapo?
SINÉAMI ti nalá isini kaachi. Ati nalá japalí ikí namuti aʼláala, japi riká japalí ranarúami nisa bilé taa muchi. Ayénachó ti nalá japalí ti ku newalá bilé namuti aʼláala japi ikili chabé o japalí ti ku iné bilé amigo japi ta ke inéi ma wiká bamíali jonsa.
2 Nalí ne sojí sinibí, ati nalá jiti ta we omona nili alí risoa nili. A keʼré japi ta nalá japalí bilé japi ta we galé tamó cha olasa o japalí ti we okoa nili bilé nayulí jitra o japalí mukusaa bilé japi ta we galé. Japalí ikisaa echi iyiri namuti, a keʼré japi ta inílipo japi riká inílili Jeremías japalí echi babilonios najúnili Jerusalén. Echi ko anili: “Nijé busílachi jonsa waʼlú baʼwí machina japi riká bilé omichi [...]. Nijé busila ko ke wilíaka nalama alí ke isábika” (Lam. 3:48, 49).
3. ¿Chu inili Jeobá japalí iné japi echi nijéwami ju we risoa nili? (Isaías 63:9).
3 Jeobá ko aʼlá machí chu kisapi ti nalali japalí ti jonsa piré. Echi Biblia ko aní japi echi ko we aʼlá machí echi namuti japi tamó risoa níliti alí tamó kipú japalí ti echi iʼwírili tani (Sal. 34:15). Nalí Jeobá ko ke bi tamó kipú alí iné japalí ti nalá, echi ko ju tamujé Onolá japi we tamó galé, jiti la ayénachó we omona nili alí sapú tamó iʼwiri (leeri Isaías 63:9).
4. ¿Jépuká jitra binepo, alí piri binepo Jeobá jitra?
4 Echoná Biblia, ati biné piri isili Jeobá japalí ineli nalákiami japi echi nijéwami nili. Jenaʼí ti binepo Ana jitra, David alí echi silíami Ezequías. ¿Chúsiá echi ko nalali? ¿Piri isili Jeobá echi jitra? Alí, ¿chúriká tamó iʼwiri japi echi nokali japalí ti nalá jiti ta we omona nili, jiti bilé japi ta we galé tamó cha olá alí jiti ta inili japi bilé namuti ma ke aʼlá ku ikimea?
ATI NALÁ JITI TA WE OMONA NILI
5. ¿Chu inilie Ana?
5 Ana ko ikili namuti we jilírami japi isili japi we nalama. Echi kunala ke bi niwika asali echi yúa, nalí ayénachó bilecho mukí yúa Peniná riwéami, japi we kichili Ana alí we risoa olali. Nalí ke echi bi nili, Ana ayénachó ke ranáami nili alí Peniná ma olayé jaré kuuchi (1 Sam. 1:1, 2). Jiti la Peniná we kawelie Ana jitra. ¿Chumi inílimili Ana nílaká? Ana ko we risoa nilie, jiti la we nalae alí ke koʼyé (1 Sam. 1:6, 7, 10).
6. ¿Piri isili Ana jiti ku kanílima?
6 ¿Piri isili Ana jiti ku kanílima? Bachá, echi ko simili echoná tabernáculo, japoná walubéala anéi Jeobá. Alí japalí ma echoná wilili, a keʼré mulipi echoná suwé patio echi tabernáculo níwala, echi ko “chotásili raʼichia Jeobá yúa alí ke omérili riwea nalayá”. Ana ko aneli Jeobá japi newalama echi jitra alí jéaneli: “Iné japi ni we risoa nili” (1 Sam. 1:10b, 11). Echi ko ruyeli Jeobá suwaba japi inilie. ¡Alí Jeobá ayénachó we omona nílili inea naláami echi malala japi we galé!
7. ¿Chu inílili Ana ma ruyesa Jeobá suwaba japi inilie?
7 ¿Chu inílili Ana ma ruyesa Jeobá suwaba japi inilie alí kipusa japi echi sumo sacerdote Elí echi aneli? Echi Biblia aní japi “echi ko ku simili alí koʼali, alí echi akala néwariwélitili japi ma ke omona nílili” (1 Sam. 1:17, 18). Tákoré echi namuti japi ikiyé kecho bijí ku aʼlá nili, Ana ko ma ku kilí nílili. Echi ko echi riká inílili jiti bichiwie japi Jeobá aʼlá inamie japi echi inilie alí echi karú ikiwáami japi olayé, alí japi echi iʼwírima. Alí Jeobá ko a kipuli japalí Ana echi yúa raʼíchili alí iʼwírili jiti olama kuuchi (1 Sam. 1:19, 20; 2:21).
8, 9. Japi riká aní Hebreos 10:24, 25, ¿chúsiá ti iʼwérili nokisáré simíaya echoná napawíliwachi? (Ayénachó iné echi foto).
8 ¿Piri ta biné? ¿Achi mi ikí bilé namuti we jilírami japi isimí japi mi we nalama? A keʼré japi mi we omona nili jiti mukuli bilé mujé téemala o bilé amigo. Echi riká ikisaa, a keʼré japi mi bineli asinali. Nalí newalá japi ikili Ana. Echi ko simili echoná tabernáculo alí echoná Jeobá ko ku kanílitili. Mujé ayénachó simisáaká echoná napawíliwachi tákoré mi we omona nili alí mi ke jiweria nili, Jeobá ko mi ku kanílitima (leeri Hebreos 10:24, 25, TNM). Echoná napawíliwachi ati kipú jaré textos japi tamó iʼwérili iyá. Echi riká, Jeobá tamó iʼwiri natia aʼláala namuti alí ke ko echi namuti japi tamó omonáriti. Jepuná tamó iʼwírima jiti ku kilí nílisipo, tákoré echi namuti japi tamó risoa níliti kecho bijí ku aʼlá ju.
9 Echoná napawíliwachi, echi hermanos tamó ku kaníliti alí tamó néwariwéliti japi chu yena tamó galé, alí jepuná ko tamó iʼwérili iyá (1 Tes. 5:11, 14, TNM). Ma inepo japi anili bilé precursor especial japi echi upila mukuli. Echi ko aní: “Isini kaachi ani bineli asinali jiti ni ke omeri riwea nalayá... Nalí echi napawíliwami tamí iʼwérili iyá jiti ni ke siwema. Echi comentarios japi nijí echi hermanos alí echi semati raʼíchali japi tamí ané, we tamí kilí níliti. Japalí ni nawá echoná salón, ani we omona nili, nalí echoná ani sinibí ku kanili”. Echoná napawíliwachi, Jeobá ko omeri néea echi hermanos alí hermanas tamó iʼwírimia.
Echi hermanos tamó ku kaníliti. (Iné echi párrafos 8 alí 9).
10. ¿Chúriká ti nokiboa japi riká Ana japalí ti we risoa nili?
10 Ana ko ku kanílili japalí ruyeli Jeobá suwaba japi inilie. Mujé ayénachó omeri ruyea Jeobá suwaba echi namuti japi mi omonáriti alí mi bichíwisaré japi echi ko mi kipuma (1 Ped. 5:7, TNM). Bilé hermana ko ruyé japi chu inílili japalí jaré chiwáami miʼali echi kunala. Echi ko aní: “We ni risoa níliki alí ni nátiki japi ni ma ke siné ku kaníliami nima”. ¿Piri iʼwírili echi hermana? Jéaní: “Ani ruyéi nijé Onolá Jeobá japi ni inilie alí echi ko tamí ku kanílitie. Isini kaachi, ke ni machiyé chúriká ruyema Jeobá japi ni inilie, nalí echi ko aʼlá tamí inamie. Japalí ni we risoa nilie alí ni ke machiyé piri ni isima, ani tanie Jeobá japi tamí iʼwírima kilí niya. Miná ko, ani sapú ku kilí nilie alí ni olayé echi jiwérali isimia echi namuti japi ni isima riké”. Japalí mi ruyé Jeobá echi namuti japi mi omonáriti, echi ko ayénachó we omona nili alí we aʼlá inami japi chumi inili. Tákoré echi namuti jilírami japi mi ikí kecho bijí ku aʼlá ju, Jeobá ko omeri mi iʼwiria jiti mi kilí nílima (Sal. 94:19; Filip. 4:6, 7, TNM). Ayénachó echi ko mi iyama wiká namuti aʼláala jiti mi we anáchami ju (Heb. 11:6).
ATI NALÁ JAPALÍ BILÉ JAPI TA WE GALÉ TAMÓ CHA OLÁ
11. ¿Chu inílili David japalí jarecho binoy cha olali?
11 Japalí jonsa biteili David, ikili wiká namuti jilírami japi isili japi we nalama. Wiká we kichili echi, alí ayénachó jaré echi téemala alí amigos japi we galeli cha olali (1 Sam. 19:10, 11; 2 Sam. 15:10-14, 30). Jiti la, siné kaachi echi ko osali: “Ma ni risiki we omona iyenia; suwaba rokojó ani samibacha echi cama nijé ikowala jitra; nalaka ani bochiwi nijé ikowala jitra echoná japoná ni ochí”. ¿Chúsiá David echi riká inílili? Echi ko jéanili: “Echi jitra japi tamí sayeri” (Sal. 6:6, 7). Echi pagótami we cha olali David, jiti la echi ko we nalali.
12. Japi riká aní Salmo 56:8, ¿piri namuti we bichiwie David?
12 Tákoré David we jilika biteili, echi ko we aʼlá machiyé japi Jeobá we galeli echi alí japi echi kipuli japalí nalali (Sal. 6:8). Sinecho kaachi, David ko osali echi we semati raʼíchali japi oserúa uchuwi echoná Salmo 56:8 (leeri). Jepuná raʼíchali we simárika ruyé japi Jeobá we tamó galé alí japi we natéami niraa iné japi ta inili. David ko anili japi ju japi riká ko Jeobá napabúa tamujé ikowala echoná bilé bótechi namuti wichila jitra niwárami o japi osaká riwé echoná bilé libro. Echi ko we bichiwie japi echi Onolá Jeobá we aʼlá machiyé alí néwalayé suwaba echi namuti jilírami japi ikiyé alí japi chu nílitili.
13. ¿Piri tamó ku kanílitima japalí bilé japi ta we galé tamó cha olasa? (Ayénachó iné echi imagen).
13 ¿Piri ta biné? ¿Achi bilé japi mujé we galé mi cha olali? ¿Achi mi we risoa nili jiti timí ku rojali ma niwíkami nisa o jiti timí riweli novios niya? ¿Achi mi we omona nili jiti bilé japi mujé we galé riweli nijewia Jeobá? Ma inepo japi ikili bilé hermano, echi ko anili japi chu inílili japalí echi upila nasawili bilecho yúa alí echi riweli: “Ke ni mayea nilie japi echi riká ikili. Ke ni natéami ka nilie, we ni omonie alí ni iyoa nilie”. ¿Piri mi ku kanílitima bilé japi mujé we galé mi cha olásaká? Sinibí néwalayá japi Jeobá ko ke siné mi riwema. Echi hermano ko anili: “Ani machiki japi echi pagótami ko a keʼré mi riwema o cha olama, nalí Jeobá ko ke siné echi riká isima. Echi ko sinibí echoná asimea tákoré ikí chuwé namuti. Ke siné riwema japi echi nijéwami ju” (Sal. 37:28). Newalá japi ke nirú bilecho japi wabé mi galé japi riká Jeobá. A keʼré japi jarecho we cha mi olali, nalí kiti riwé japi echi isima japi mujé ko inílima japi mi ke natéami ju Jeobá jitra (Rom. 8:38, 39). Tákoré bilé mi cha olasa, newalá jepuná: ¡Jeobá ko we mi galé!
Echi libro Salmos tamó ané japi Jeobá ko mulipi atí echi yúa japi risoa nílika muchuwi. (Iné echi párrafo 13).
14. ¿Piri tamó ané Salmo 34:18?
14 Echi raʼíchali japi osali David echoná Salmo 34:18 (leeri), ayénachó mi ku kanílitima ami cha olárami nísaká echi jitra japi mi we galé. Bilé libro aní japi echi raʼíchali “echi japi risoa nílika muchuwi”, ayénachó traducíriwa “echi japi ke buwé japi ikimea aʼláala namuti”. ¿Chúriká iʼwiri Jeobá japi echi riká inili? Echi texto aní japi “mulipi atí” echi yúa japi omona nili jiti cha olárami nili. Jeobá ko ju japi riká bilé onó japi mutú echi taa nolá japalí nalá alí ku kaníliti. Echi ko ayénachó omona nili alí sapú tamó iʼwiri jiti ma ke nakí japi ta risoa nílipo. Ayénachó tamó ané japi tamó iyama wiká namuti aʼláala, echi riká tamó iʼwiri jiti anachabo echi karú ikiwáami (Is. 65:17).
ATI NALÁ JITI TA INILI JAPI BILÉ NAMUTI MA KE AʼLÁ KU IKIMEA
15. ¿Piri namuti isili japi Ezequías we nalama?
15 Japalí echi silíami Ezequías Judá nuláami 39 bamíbami nili, echi ko we nayuli. Echi profeta Isaías jitra, Jeobá ko aneli Ezequías japi mukumea (2 Rey. 20:1). Kipusa echi raʼíchali, Ezequías ko we omona nílili jiti la we nalali alí tánili Jeobá japi echi iʼwírima (2 Rey. 20:2, 3).
16. Japalí Jeobá kipuli Ezequías echi yúa raʼíchiachi alí ineli naláami, ¿piri inílili alí chu isili echi jitra?
16 Japalí Jeobá kipuli Ezequías echi yúa raʼíchiachi alí ineli naláami, echi ko we natimali, jiti la aneli Isaías jitra: “Ani kipuli japi mujé tamí aneli. Ani ineli mujé ikowala. Mi ni ku saʼwema”. Jeobá ayénachó néwariwélitili Ezequías japi natimali jiti aneli japi wilí bitélima alí niyúbima Jerusalén echi asirios jitra (2 Rey. 20:4-6).
17. ¿Chúriká tamó iʼwiri Jeobá japalí ta olá bilé nayulí japi ke ku saʼwiwáami ju? (Salmo 41:3; ayénachó iné echi imagen).
17 ¿Piri ta biné? ¿Piri mi omeri isiá ami nayúami nísaká bilé nayulí jitra japi ke ku saʼwiwáami ju? Ruyé Jeobá suwaba japi inili, echi ko mi kipuma tákoré mi nalaka raʼicha. Echi Biblia ko aní japi Jeobá “ne wabé [tamó] natimá” alí tamó “ku kanílata mapalita oʼmona” suwaba echi namuti jitra japi ta ikí (2 Cor. 1:3, 4). A bichíwali ju japi Jeobá ke tamó ku iyema echi namuti jilírami japi ta ikí, nalí ati bichiwi japi echi ko tamó iʼwírima anachia (leeri Salmo 41:3). Japi riká, Jeobá ko tamó iyá echi espíritu santo jiti ta olabo echi jiwérali japi ta newalé, jiti aʼlá machiká nokiboa alí kilí nílipo (Prov. 18:14; Filip. 4:13, TNM). Alí ayénachó tamó ané japi echi ko isima japi ma ke nirúlima nayulí (Is. 33:24).
Jeobá ko tamó iʼwiri jiwérali nijika, jiti aʼlá machiká nokiboa alí jiti kilí nílipo. (Iné echi párrafo 17).
18. ¿Chu iyiri texto mi iʼwírili japalí mi ikili namuti we jilírami? (Iné echi recuadro “ Raʼíchali japi jitra Jeobá tamó ku kaníliti japalí ti nalá”).
18 Ezequías ko ku kanílili kipusa echi raʼíchali japi Jeobá aneli. Tamujé ayénachó ku kanílipo ati kipúsaká japi Jeobá tamó ané néeka echi Biblia. Jeobá ko isili japi echoná Biblia oserúa ripima echi raʼíchali japi tamó iʼwérili iyá japalí ti ikí namuti jilírami (Rom. 15:4). Ma inepo japi ikili bilé hermana África Occidental bitéami, japi we nalae jiti aneri japi nayúami ju cáncer jitra. Echi ko jéaní: “Bilé texto japi we tamí iʼwérili iyayé, echi ko ju Isaías 26:3. Tákoré ti ke omeri chewia japi ta ikí, echi versículo aní japi Jeobá ko tamó iʼwiri kilí niya alí anachia echi jilírami namuti japi ta ikí”. ¿Achi mi newalá bilecho texto japi mi iʼwérili iyali japalí mi ikili namuti we jilírami o japalí mi ke machiyá nílili piri mi isima?
19. ¿Piri namuti aʼláala ti buwé japi ikimea?
19 Ma mulipi sea echi rawé japalí Jeobá suwábima echi namuti chati, jiti la ti machí japi aminabi ikiboa namuti jilírami japi isima japi ta nalapo. Nalí japi riká ti bineli Ana jitra, David alí echi silíami Ezequías, Jeobá ko iné japalí ti nalá alí ayénachó omona nili. Echi ko aʼlá machí chu kisapi ti nalali japalí ti jonsa piré. Jiti la, japalí mi ikí namuti jilírami, ruyé Jeobá suwaba japi mi inili. Kiti riwé napawía echi hermanos yúa japi we mi galé alí riwé japi Jeobá mi ku kanílitima echi Biblia jitra. Ami omeri bichiwia japi ami anachásaká, echi ko mi iyama wiká namuti aʼláala. Ma mulipi nima japalí Jeobá isima japi ta ma ke risoa nílika nalapo (Apoc. 21:4). ¡Echoná Wichimóbachi we baʼóachi ati nalapo, nalí we kanílika!
CANCIÓN sjj-S 4 “Jehová es mi Pastor”
