YOMARA, Marcelo alí Hiver, bikiaka rejimala ju alí piré bilé taa puéblochi echomí Guatemala. Yomara bachá chotásili binea echi Biblia echi testigo Jeobá yúa alí miná ko echi rejimala ayénachó chotásili binea. Nalí niruili bilé namuti we jilírami: bikiánika busukachi ju alí ke machiyé leeria braille. Jiti bela echi japi binérili, leérili echi párrafos alí echi textos.

Ayénachó we jilí nirali simíaya echoná napawíliwachi. Echi salón japi pe mulipi wilili 40 minutos nokayé siaya, nalí echi ko ke omeri awénili simiba echomí. Jiti la, echi hermanos echoná congregación muchúwami simíaye yúrimia echoná napawíliwachi. Alí japalí bikiánika ma chotásili nijía asignación echoná napawíliwachi, echi hermanos ko iʼwírili jiti we aʼlá binema japi animea.

Mayo 2019, echi testigo Jeobá chotásili niwayá echi napawíliwami echoná puéblochi, alí bilé niwíkami japi precursores regulares ju simíali iʼwírisia echoná. Echi niwíkami chotásili bineria bikiánika jiti machimea leeria alí osayá braille niraa tákoré echi aboi ke cho machiyé. Jiti la, simíali bilé biblioteca binemia chúriká nokiwá leeria alí osayá braille niraa alí chúriká binérima.

Bikiá michá simírisa, bikiánika ma we aʼlá leerie braille niraa, echi iʼwírili jiti aminabi we aʼlá amigos nima Jeobá yúa. a Jipi ko Yomara, Marcelo alí Hiver ma precursores regulares ju, alí Marcelo ko ayénachó siervo ministerial ju. Echi ko wiká horas noká nawesia alí we kaníliami ju echi riká nokayá. Jepuná isimí japi jarecho ayénachó we kanílima.

Bikiánika waʼlú matétara iyá echi hermanos echoná congregación jiti aʼlá iʼwírili alí néwariwélitili japi we galé echi. Yomara ko aní: “Japalí ti kulí machiki echi hermanos, echi ko newa nokayé japi we tamujé galé”. Alí Marcelo ko aní: “Ati olá we aʼlá amigos echoná congregación alí ti ju japi riká téemala sinéami hermanos yúa japi piré omáana Wichimóbachi alí ti we galé anakupi niraa”. Yomara alí echi rejimala, ma we inili japi sibama echalí rawé japalí omérima inea echi Wichimóbachi we baʼóami (Sal. 37:10, 11; Is. 35:5).