Japalí ti leeri echi Biblia, ati aminabi áasaré jiti ta riwiboa echi namuti we natéami japi aní echoná. Nalí, ¿piri ti omeri nokayá jiti echi namuti japi ta biné wabé aʼlá tamó iʼwírima?

We aʼlá natabo echi jitra japi ta leeri. Japi riká, ¿jépuká osali, chu kabú osali alí jépuká osélili? ¿Piri namuti ikiyé? ¿Piri namuti ikili chabé alí piri ikili pe aminana?

Natabo chúriká tamó iʼwiri japi ta biné. Japi riká, nárika nokiboa jepuná: “¿Chu nílili echi pagótami japi ni jitra leérili? ¿Chúriká nokáami nili alí chúsiá ni echi riká cho nísaré? ¿Piri namuti ke aʼlá nokali alí chúsiá ni ke echi riká cho isísaré?”.

Nokiboa japi riká ti biné. Japi riká, japalí ti simía nawisasia o japalí ti raʼicha echi pagótami yúa. Echi riká ti nokiboa japi riká aní echoná Salmo 107:43: “Japi aʼlá nátami ju ko sinibí newalama jepuná namuti”.

• Japi mi omeri isiá: Iné chúriká echi sección “We natéami namuti aní echi Biblia”, japi ta biné echoná napawíliwachi nasipa tarali, tamó bineri chúriká ti omeri nokayá japi ta biné echoná Bíbliachi. Sinibí tarali, jepuná sección olá náriwami japi ta omero nárika nokayá, namuti japi ta omero natia alí imágenes japi tamó iʼwiri aʼlárika binea.