1. Bilé ejemplo néeka ruyé chúsiá we aʼlá ju japi ta nijéwipo japi Jeobá aní.

 NATÁ japi mi wikali japoná nirú wiká namuti jákami aparúami, riyawi japi mi okésaká mukumea, ayénachó echoná buwé wiká rité nirú alí mi wichiméeré echoná bilé jochi. ¿Kechi ko mi kanílisa nili japi bilé mi yúa simea japi we aʼlá machí echoná jiti mi ke namú ikimea? Jenaʼí Wichimóbachi echi riká cho ju. Nirú wiká namuti chati japi isímiré japi ta riwepo Jeobá amígowala niya. Nalí tamujé ko olá bilé japi wabé aʼlá machí chu iyiri buwérili ta simabo, echi ko ju Jeobá. Echi ko tamó ané piri nokiboa jiti ke namú ikiboa alí echi riká oméripo sinibí pirea echoná Wichimóbachi we baʼóachi.

2. ¿Chúriká tamó ané Jeobá japi ta nokisáré?

² ¿Chúriká tamó ané Jeobá japi ta nokiboa? Echi ko nee binoy Raʼicháala. Nalí ayénachó nee echi pagótami japi echi jáwili. Japi riká, echi ko nee echi pioni aʼlá nijéwami alí aʼlá nátaka nóchami, tamó iyamia suwaba echi namuti japi ta jitra binepo jiti we aʼlá nokiboa (Mat. 24:45). Ayénachó nirú jarecho rijoi japi Jeobá nee tamó iʼwírimia. Echi superintendentes de circuito alí echi ancianos japi muchuwi echoná congregación, tamó iʼwérili iyá alí we aʼlá busuréliami jiti anachabo echi namuti jilírami. Ati waʼlú matétara iyá Jeobá jiti we aʼlá tamó iʼwiri jipi jubá rawé we jilí kaachi, jiti echi riká ke riwepo echi amígowala niya japalí chéami ma sinibí pirélipo.

3. ¿Piri binepo jenaʼí binelíwami?

³ We be nalí, isini kaachi ati jilí niráboré nijewia japi Jeobá aní, alí wabé japalí echi rijoi japi ke sébali aʼlá nokáami ju tamó ané jaré namuti japi ta nokisáré. ¿Chúsiá? Jiti a keʼré japi tamó ané ke ju japi ta kipúnali. O ati nátiré japi echi busuréliami ke me aʼlá ju alí ke ju japi Jeobá aní. Japalí ti echi riká ikí, ati aminabi we bichíwisaré japi Jeobá ju japi ané binoy puéblowala japi nokisáré alí japi wabé aʼlá ju  japi ta nijéwipo japi echi aní. Jiti aminabi we bichíwipo, jenaʼí binelíwami binepo bikiá namuti: 1) chúriká aneli Jeobá binoy puéblowala chabé piréami japi nokisáré, 2) chúriká tamó ané Jeobá jipi rawé japi ta nokisáré alí 3) chúriká tamó iʼwiri nijewia japi echi aní.

CHÚRIKÁ ANELI JEOBÁ ECHI ISRAELITAS JAPI NOKISÁRÉ

4, 5. ¿Chúriká néwariwélitili Jeobá japi néeli Moisés jiti anema echi israelitas japi nokisáré? (Ayénachó iné echi dibujo).

⁴ Jeobá ko wilali Moisés iʼwírimia echi israelitas jiti buyama Egipto jonsa alí isili jaré namuti néwariwélitimia japi echi ko néeli echi Moisés. Japi riká, echi ko isili japi rawé kaachi ko nirúlima bilé waʼlú nolí kapílami alí ma rokojó kaachi bilé waʼlú naʼí kapílami (Éx. 13:21). Moisés ko najátili jena namuti, jiti la echi alí echi israelitas séali echoná mar Rojo. Japalí echi israelitas machili japi echi egipcios echi najátili, echi ko we majali jiti mayeli japi echoná suwábitami nima. Echi ko nátili japi Moisés ke aʼlá isili echomí yuria. Nalí ke bichíwali nili jiti Jeobá isili japi echi Moisés echomí yúrima (Éx. 14:2). Alí Jeobá ko niyúbili echi, néeka bilé waʼlú milagro (Éx. 14:26-28).

⁵ 40 bamíali Moisés ko najátili echi waʼlú nolí kapílami japi Jeobá néeli yuria echi pueblo echomí desierto. a Isini kaachi, Jeobá ko isili japi echi nolí kapílami wilimea japoná Moisés biteili jiti sinéami omérima inea (Éx. 33:7, 9, 10). Jeobá ko néeli echi nolí kapílami raʼichamia Moisés yúa, alí miná ko Moisés ruyeli echi israelitas japi Jeobá anili (Sal. 99:7). Jepuná namuti jitra, echi israelitas ko machili japi Jeobá néeli Moisés jiti anema japi nokisáré.

6. ¿Piri nokali echi israelitas? (Números 14:2, 10, 11).

⁶ Nalí be, ne sojí suwaba echi israelitas ke bichíwili japi Jeobá wilali Moisés jiti echi anema japi nokisáré (leeri Números 14:2, 10, 11). Jiti wisabé niraa echi riká nátili, Jeobá ko ke riweli japi moʼimea echoná kawí japi echi iyama riweili (Núm. 14:30).

7. ¿Jépuká a nijéwili Jeobá? (Números 14:24; ayénachó iné echi dibujo).

⁷ We be nalí, a niruili jaré israelitas japi a nijéwami nili. Japi riká, Jeobá ko anili: “Caleb [...] tamí nijéwili ne sulachí jonsa” (leeri Números 14:24). Jiti la, Onorúami ko wiká namuti aʼláala iyali alí ayénachó riweli japi echi binoy animea kumi bitélima echoná Canaán (Jos. 14:12-14). Echi israelitas japi a moʼili echoná kawí japi Jeobá iyali, ayénachó nijéwili Jeobá japi riká Caleb; echi ko we riwíwili Josué, echi rijoi japi Jeobá wilali jiti nulema echi pueblo japalí ma ke biteili Moisés (Jos. 4:14). Jiti la, Jeobá ko iyali wiká namuti aʼláala alí riweli japi moʼimea echoná kawí japi echi iyama riweili (Jos. 21:43, 44).

8. Japalí pireili echi isélikami, ¿jépuká néeli Jeobá anemia echi pueblo japi nokisáré? (Ayénachó iné echi dibujo).

⁸ Ma jaré bamíali simírisa, Jeobá ko jáwili jueces jiti anema echi pueblo japi nokisáré. Alí, japalí pireili echi isélikami, Jeobá jáwili profetas jiti nokimea jepuná nóchali. Echi isélikami japi a nijéwami nili Onorúami, kipuli echi busuréliami japi nijili echi profetas. Japi riká, echi silíami David ke niraka kipuli japalí echi profeta Natán raʼámali (2 Sam. 12:7, 13;  1 Crón. 17:3, 4). Echi silíami Jehosafat nijéwili japi anili echi profeta Jahaziel alí iʼwérili iyali echi pagótami Judá piréami jiti bichíwima echi profetas japi Onorúami jáwili (2 Crón. 20:14, 15, 20). Alí echi silíami Ezequías tánili echi profeta Isaías japi echi iʼwírima japalí ikili namuti we jilírami (Is. 37:1-6). Japalí echi isélikami a nijéwili Jeobá, echi ko sinibí iʼwírili alí tibuli echi israelitas (2 Crón. 20:29, 30; 32:22). Sinéami we aʼlá machiyé japi Jeobá néeli echi profetas echi iʼwírimia jiti machimea japi nokisáré. Nalí be, ne sojí suwaba echi isélikami alí echi israelitas ke nijéwili japi aneli echi profetas (Jer. 35:12-15).

CHÚRIKÁ ANELI JEOBÁ ECHI BACHÁWALA CRISTIANOS JAPI NOKISÁRÉ

9. ¿Jépuká néeli Jeobá anemia echi cristianos bachá siglo piréami japi nokisáré? (Ayénachó iné echi dibujo).

⁹ Echalí bachá siglo, Jeobá isili japi nirúlima bilé congregación cristiana. Nalí, ¿chúriká aneli Jeobá echi puéblowala japi nokimea? Echi ko wilali Jesús jiti nulama echoná congregación (Efes. 5:23). Jesús ko ke raʼíchili ibili echi cristianos yúa anemia japi nokisáré, nalí echi ko néeli echi apóstoles alí echi ancianos echomí Jerusalén piréami jiti echi riká nokimea (Hech. 15:1, 2). Ayénachó echoná congregaciones jawárami nili ancianos jiti anema echi hermanos japi nokimea (1 Tes. 5:12; Tito 1:5).

10. a) ¿Piri nokali wikabéala echi cristianos bachá siglo piréami japalí aneri japi nokisáré? (Hechos 15:30, 31). b) ¿Chúsiá chabé jaré pagótami ke nijéwili japi Jeobá jáwili? (Iné echi recuadro “ Chúsiá jaré ke bichiwi”).

¹⁰ Alí, ¿piri nokali echi cristianos bachá siglo piréami japalí aneri japi nokisáré? Wikabéala echi a we kanílika nijéwili. Japalí kipuli japi nokisáré “echalí aboni echijiti wabé kanílatami níili” (leeri Hechos 15:30, 31). Alí jipi ko, ¿chúriká ané Jeobá binoy puéblowala japi nokisáré?

CHÚRIKÁ TAMÓ ANÉ JEOBÁ JIPI RAWÉ JAPI TA NOKISÁRÉ

11. Bilé ejemplo néeka ruyé chúriká Jeobá néeli echi pagótami iʼwírimia echi puéblowala jipi rawemti.

¹¹ Jipi rawé, Jeobá ko tamó ané japi ta nokisáré néeka echi binoy Raʼicháala  alí echi Nolá, japi nuláami ju echoná congregación. ¿A bijí nee Jeobá echi pagótami anemia echi puéblowala japi nokisáré? Ayena. ¿Chúriká ta machí? Natabo japi ikili ma suníachi siglo diecinueve. Charles Russell alí echi amígowala machili japi echi bamíali 1914 nima bilé bamíali we natéami echi Onorúami Gobiérnowala jitra (Dan. 4:25, 26). ¿Chúriká machili? Echi ko bineli echi profecías Biblia jitra. Alí Jeobá a iʼwírili jiti aʼlá inámima. Japi ikili echi bamíali 1914 néwariwélitili japi echi Onorúami Gobiérnowala chotásili nulayá: echalí chotásili echi Primera Guerra Mundial alí niruili nawilí, terremotos alí lochéwami (Luc. 21:10, 11). Jepuná jitra ata machí japi Jeobá néeli jena rijoi nijéwami iʼwírimia echi puéblowala.

12, 13. Japalí niruili Segunda Guerra Mundial, ¿piri nokali echi testigo Jeobá jiti aminabi nawisama alí binérima?

¹² Ayénachó natabo bilé namuti jitra japi ikili japalí niruili echi Segunda Guerra Mundial. Echi hermanos japi mochili echoná central mundial bineli japi aní echoná Apocalipsis 17:8 alí machili japi ma sunisa echi Segunda Guerra Mundial ke nawama riweili echi Armagedón, nalí japi omérima riweili kilí niraa nawesia wiká pagótami. Jiti la, echi organización Jeobá níwala isili bilé namuti japi wiká ke inámili: echi ko niwali echi Colegio Superior Bíblico de la Watchtower de Galaad b binérimia echi misioneros jiti simama nawisasia alí binérisia omáana Wichimóbachi. Tákoré niruili guerra, echi hermanos julárami nili jaréanachó países. Ayénachó echi pioni aʼlá nijéwami niwali echi Curso en el Ministerio Teocrático c jiti iʼwírima sinéami publicadores aʼlá binériami niya. Suwaba jepuná namuti iʼwírili echi Jeobá siérvowala jiti nokimea echi nóchali japi olama pe aminana.

¹³ Jepuná néwariwéliti japi Jeobá iʼwírili binoy puéblowala jiti machimea japi nokisáré japalí ikili namuti jilírami. Japalí jonsa sunili echi Segunda Guerra Mundial, echi testigo Jeobá a omeri kilí niraa  nawesia wikaná países. Wiká pagótami ma machí Jeobá jitra alí jipi echi Testigos nawesa omáana Wichimóbachi.

14. ¿Chúsiá ti omeri bichiwia japi Jeobá nee echi organización alí echi ancianos tamó anemia japi ta nokisáré? (Apocalipsis 2:1; ayénachó iné echi foto).

¹⁴ Jipi ko, echi hermanos Japi Aʼlá Niseri aminabi iʼwérili noká nijewia japi Cristo aní. Jiti la, echi ko we iʼwérili noká jiti echi namuti japi tamó ané japi ta nokisáré, nima japi riká Jeobá alí Jesús nata. Alí nee echi superintendentes de circuito alí ancianos ruyemia echi congregaciones japi nokisáré. d Echi ancianos ungidos, alí ayénachó sinéami echi ancianos, echi Cristo “sikálachi watoná” muchuwi (leeri Apocalipsis 2:1). Echi ko ke sébali aʼlá nokáami ju, jiti la isini kaachi ke aʼlá noká, japi riká ikili Moisés, Josué alí echi apóstoles (Núm. 20:12; Jos. 9:14, 15; Rom. 3:23). We be nalí, ata machí japi Jesús ko nee echi pioni aʼlá nijéwami alí echi ancianos, alí aminabi néema echi sinibí rawé “echalí ne jubá wichimóbachi suwibáluachi rawé yénasí” (Mat. 28:20). Jiti la, suwaba jepuná namuti jitra, a ta omeri bichiwia japi Jeobá tamó ané japi nokisáré néeka jepuná hermanos.

CHÚRIKÁ TAMÓ IʼWIRI SINIBÍ NIJEWIA JAPI JEOBÁ ANÍ

15, 16. ¿Piri mi biné echi jitra japi nijewi japi Jeobá aní?

¹⁵ Jipi ayénachó we aʼlá ju sinibí nijewia japi Jeobá aní. Japi riká, Andy alí echi upila Robyn, nijéwili echi busuréliami japi aní japi ta ke wiká namuti níwami nipo (iné echi nota japi mi binema echoná Mateo 6:22, echoná Biblia de estudio). Jiti echi riká nokali, omérili iʼwiria niwayá salones alí jarecho edificios japi niwá echi testigo Jeobá. Robyn jéaní: “Ata pireili echoná taa kalírili, alí wisabé niraa ke ti olali japoná wásipo koʼwáami. Ayénachó, we ni kanili fotos machibúa, nalí ni ralineki nijé níwala cámaras alí jarecho namuti echi jitra si. Tákoré ni we jilí niraki ralinea echi namuti, nijé ko isínilie japi riká Sara, echi Abrahán upila, alí ke omona nilia echi namuti jitra japi ni riweli, nalí we kanilia echi namuti jitra japi jipi ni omeri isiá Jeobá jitra” (Heb. 11:15). ¿Achi aʼlá nokali echi niwíkami? Robyn ayénachó aní: “We ti kanili jiti ta iʼwérika noká nóchilia Jeobá. Japalí ti noká bilé nóchali  Jeobá jitra, ata inili japi riká ko ti ma pirea echoná Wichimóbachi we baʼóachi”. ¿Alí piri nata Andy? Echi ko aní: “We ti kanili machiyá japi ta we iʼwérika noká iʼwiria echi Onorúami Gobiérnowala”.

¹⁶ ¿Chúriká ayénachó tamó iʼwiri sinibí nijewia japi Jeobá aní? Inepo japi ikili bilé hermana Marcia riwéami. Japalí sunili echi escuela, nijéwili echi busuréliami japi kipuli alí chotásili precursora niya (Mat. 6:33, TNM; Rom. 12:11, TNM). Echi ko aní: “Ani omérima riweili binea naó bamíali echoná universidad japi ke tamí bujema. Nalí nijé ko aminabi nóchinilie Jeobá. Jiti la ni bineki echoná escuela japoná ke wilí binema alí japi tamí binérima nochia jiti ni olama japi newalé alí ni omérima precursora niya. We ni kanili jiti ni echi riká isili. Jipi ko ni precursora regular ju, alí jiti ni kuabi rawé nocha, ani ikiri iʼwiria echoná Betel alí isiá jarecho namuti we natéami Jeobá jitra”.

17. ¿Chúriká ayénachó tamó iʼwiri sinibí nijewia japi Jeobá aní? (Isaías 48:17, 18).

¹⁷ Isini kaachi, echi Jeobá organizaciónwala tamó iyá busuréliami jiti ke wiká namuti níwami nínalipo alí jarecho si namuti jitra japi isima japi ta riwepo nijewia Jeobá. Jepuná namuti jitra, we natéami ju japi ta nijéwipo japi Jeobá aní jiti tamó iʼwiri jiti ta kilí nílipo alí jiti ke olabo karú ikiwáami (1 Tim. 6:9, 10). Ata echi riká nokisáaká, ata oméripo nóchilia Jeobá ne sulachí jonsa. Ke nirú bilecho namuti japi wabé tamó kaníliti alí japi isimí japi ta kilí nílipo (leeri Isaías 48:17, 18).

18. ¿Chúsiá mi sinibí nijéwinali japi Jeobá aní?

¹⁸ Jeobá ko aminabi néema echi pagótami anemia binoy puéblowala japi nokisáré ma gran tribulación kaachi alí japalí Jesús nuláachi mili bamíali (Sal. 45:16). ¿Achi ti echalí nijéwipo tákoré ti riwésaré nokayá jaré namuti japi ta aboi nakí? Ata nijéwami nísaká jipi, ke ti me jilí nirabo nijéwami niya pe aminana. Jiti la, sinibí nijéwipo japi Jeobá aní alí ayénachó echi rijoi japi echi jáwili tamujé tibumia (Is. 32:1, 2; Heb. 13:17). A nirú wiká namuti japi ta jitra we bichiwi Jeobá, echi japi tamó ané japi ta nokisáré, japi tamó iʼwiri jiti ta ke riwepo echi nóchilia alí jiti ta oméripo sinibí pirea echoná Wichimóbachi we baʼóachi.