1. ¿Piri namuti ta we jilí niraa sinéami?

 ¿ACHI mi nátili isimia bilé namuti nalí japi mi jilí nirali echi riká isiá? b Echi riká nísaká, ke mujé bi ju japi echi riká ikí. Japi riká, Philip aminabi we raʼichánili Jeobá yúa alí ne sulachí jonsa, nalí echi ko jilí nirae ikiria raʼichamia Jeobá yúa. Erika ko nátili japi biʼá pe sibama echoná napawíliwachi japi niwá simamia nawisasia. Nalí tákoré echi riká nátili, echi ko ne sojí a sinibí we aʼlí nawayé. Tomáš wisabé niraa iʼwérili isili leeria suwaba echi Biblia. Echi ko aní: “Ke ni kanilie leeria echi Biblia. Bisiá niraa ni iʼwérili isiki, nalí pe Levítico ni séaki”.

2. ¿Chúsiá mi ke siwésaré ke mi omériaká isiá echi namuti japi mi nátili isimia aminabi nóchilimia Jeobá?

² Ami iʼwérili isíaká isiá bilé namuti japi mi nátili isimia, nalí mi ke omériaká echi riká isiá, kiti siwé. Jiti isimia bilé namuti bi japi taa ju o ke me jilí ju, ati iʼwérili nokisáré. Nalí jiti mi iʼwérili isimí alí mi ke siwé, ami néwariwéliti japi mi we natéami niraa iné Jeobá amígowala niya alí japi mi we kanílitinali echi. Jeobá ko iné suwaba japi mi isimí alí ke mi tani namuti japi mi ke omeri (Sal. 103:14; Miq. 6:8). Jiti la mujé natásaré isimia echi namuti japi mi a omeri isiá. Alí echi namuti japi mi nátili isimia ami omériaká isiá, ¿piri mi isísaré jiti mi a omérima echi riká isiá? Ma binepo jaré namuti.

3. ¿Chúsiá we natéami ju japi ta we inílipo nokinalia bilé namuti?

³ Jiti ta oméripo nokayá echi namuti japi ta nokinali nóchilimia Jeobá, ati echi riká nokinálisaré. ¿Chúsiá? Jiti ta a echi riká nokinálisaká, a ti iʼwérili nokibóaré echi riká nokayá. Japalí ti echi riká nílisa, echi ko ju japi riká echi iká japi waminá rikibú echi lancha japi olá vela. Echi iká aminabi a ikasáaká, a keʼré japi echi lancha sibama japoná simí. Alí we jiwérika ikasáaká a keʼré japi we sapú sibama. Echi riká cho, japalí ti aminabi we inílisa nokinalia echi namuti, a keʼré japi a oméripo nokayá japi ta nokinali. Bilé hermano El Salvador bitéami David riwéami, aní: “Japalí mi we inili isínalia bilé namuti, aminabi mi iʼwérili isimí alí mi ke riwé japi bilé namuti mi chéwima isiá echi namuti japi mi isínali”. Jiti la, ¿piri mi iʼwírima jiti mi aminabi isínalima bilé namuti?

4. ¿Piri ta tánisaré Jeobá? (Filipenses 2:13; ayénachó iné echi dibujo).

⁴ Tani Jeobá japi mi iʼwírima isínalia bilé namuti. Echi espíritu santo jitra Jeobá mi iʼwírima isiá echi namuti japi mi isínali (leeri Filipenses 2:13). Isini kaachi ati noká jaré namuti, nalí japi riká ko iʼwérili niraa, alí echi ko aʼlá ju. Nalí a keʼré japi ta ke nílili echi riká nokinalia. Echi riká ikili bilé hermana Norina riwéami japi bité echomí Uganda. Echi ko binérinali bilé pagótami Biblia jitra, nalí ke me inili echi riká isínalia jiti nátili japi ke me aʼlá binériami nili. Nalí, ¿piri iʼwírili jiti omérima isiá japi nakili? Echi ko aní: “Ani chotásiki sinibí rawé tania Jeobá japi tamí iʼwírima jiti ni nílima binérinalia bilé pagótami echi Biblia jitra. Nalí ayénachó ani iʼwérili isiki aminabi we aʼlá binériami niya. Ma jaré michá simírisa, ani ma inili binérinala echi pagótami. Alí echalí bamíali, ani chotásiki bineria okuá pagótami echi Biblia jitra”.

5. Jiti ta aminabi nokinálipo bilé namuti, ¿piri ta natásaré?

⁵ Natá piri isili Jeobá mi jitra (Sal. 143:5). Echi apóstol Pablo nátili japi Jeobá we aʼláala nili echi yúa alí jepuná iʼwírili jiti nóchilima echi, ne sulachí jonsa (1 Cor. 15:9, 10; 1 Tim. 1:12-14). Echi riká cho, japalí mi aminabi nata japi Jeobá isili mi jitra, mi iʼwírima aminabi isínalia echi nóchali japi mi nátili (Sal. 116:12). Ma binepo piri iʼwírili bilé hermana Honduras bitéami jiti precursora nima. Echi ko aní: “Ani nátiki japi chu yena tamí galé Jeobá. Echi ko tamí bayeli echi puéblowala alí tamí we aʼlá tibú. Natia echi namuti tamí iʼwírili aminabi we galea Jeobá alí jiti ni aminabi nínilima precursora”.

6. ¿Piri bilecho namuti tamó iʼwírima nokinalia bilé namuti?

 ⁶ Natá echi namuti aʼláala japi mi narema ami isísaká japi mi nátili. Checho natabo Erika jitra japi ruyeli echoná bachá párrafo. ¿Piri iʼwírili jiti ke me aʼlí sibama echoná napawíliwachi japi niwá simamia nawisasia? Echi ko aní: “Ani machiki japi niruili wiká namuti japi ni ke omérili isiá. Japi riká, ani biʼá nawásaká, ani omérima narepia echi hermanos alí raʼichia echi yúa. Ayénachó ani omérima kipúa japalí tamó ruyé chúriká nokiboa nawesia alí japi tamí iʼwírima kanila nawesia”. Jiti Erika nátili chúsiá we aʼlá ju japi biʼá sibama, echi iʼwírili jiti omérima isiá japi echi nakili. ¿Piri mi natásaré mujé? Echi japi mi isínali nísaká leeria echi Biblia o raʼichia Jeobá yúa, natá chúriká mi iʼwírima aminabi we aʼlá amigo niya Jeobá yúa (Sal. 145:18, 19). Alí ami simá isíami nínalaká japi riká isili Cristo, ami natásaré japi echi mi iʼwírima we kaníliami niya sinéami yúa (Col. 3:14). ¿Piri mi ayénachó omeri isiá? Osá suwaba japi chúsiá mi isínali bilé namuti alí ne sojí sinibí iné. Tomáš, japi ruyeli echi bachá párrafo, aní: “Ani natásaká chúsiá we aʼlá ju japi ni iʼwérili isima isiá bilé namuti, a keʼré japi ni ke siwema”.

7. ¿Piri nokali Julio alí echi upila jiti omérima nokayá japi nokinálili?

⁷ Napawí echi pagótami yúa japi mi iʼwérili iyá (Prov. 13:20). Julio alí echi upila we inílili aminabi nóchinalia Jeobá. Echi ko aní piri iʼwírili jiti omérima echi riká nokayá: “Ati amigos níliki echi yúa japi tamó iʼwírima alí ti echi yúa raʼichie echi namuti jitra japi ta nokinálili. Japi riká echi ko ma nokali echi namuti japi ta nokinali, echi ko a omérili tamó iyayá we aʼlá busuré japi tamó iʼwírima. Echi amigos ayénachó tamó narie chúriká ti nokísimi alí japalí ta newalesa iʼwírili echi ko tamó iʼwérili iyayé”.

8. Ati buwésaká nokimea bilé namuti japalí ti echi riká inílisa, ¿piri ikimea? (Ayénachó iné echi dibujo).

⁸ A bichíwali ju japi isini kaachi ati ke inili nokinalia echi namuti japi ti nátili. Nalí japalí ti echi riká inili, ¿aniwáami ju japi ta ma ke nokiboa japi ta nokinali? Ke. Checho binepo echi iká alí echi lancha jitra japi olá vela. Tákoré echi iká waminá rikibú echi lancha jiti sibama japoná simí, ke ne sinibí echi yena jiwérami iká; alí isini kaachi ko ke tasi ikayá wilí. Nalí, ¿achi aniwáami ju japi echi rijoi ma ke sibama japoná simí? Ke. Jiti jaré lanchas olá motor alí jarecho ko ulináliwa echi usí jitra alí omeri néea jepuná sibamia japoná simí. Echi riká cho, a nirúlimiré  jaré rawé japi ta we inílipo nokinalia echi namuti. Nalí ayénachó nirúlimiré jaré rawé japi ta ke iʼwérili nokinálipo. Jiti la, ati buwésaká nokimea echi namuti japalí ti a inílisa nokinalia, ke ti bilé namuti nokiboa. Nalí japi riká echi rijoi iʼwérili isimí sibamia japoná simí tákoré ke ikayá wilí, echi riká cho tamujé iʼwérili nokisáré nokayá echi namuti japi ta nokinali tákoré ti isini kaachi ke inili nokinalia. Alí echi riká isiá we aʼlá ju. Jenaʼí binepo jaré namuti japi tamó iʼwírima japalí ti ke inílisa nokinali bilé namuti. Nalí bachá binepo bilé náriwami jitra.

9. ¿Achi aʼlá ju japi ta iʼwérili nokiboa nokayá echi namuti japi ti nátili tákoré ti ke echi riká nokinali?

⁹ Jeobá ko nakí japi ta we kanila nóchilipo echi alí ne sulachí jonsa (Sal. 100:2; 2 Cor. 9:7). Nalí, ¿chúsiá ti iʼwérili nokiboa aminabi nóchilia Jeobá ke ti inílisaká echi riká nokinalia? Natabo echi apóstol Pablo jitra, echi ko anili: “Nijeni ne wabé jiwériga nulé a nijé binói niráa” (1 Cor. 9:25-27). Pablo iʼwérili isili isiá echi namuti japi Jeobá nakili japi echi isima, tákoré ke echi riká isínali. ¿Achi kanílili Jeobá echi namuti jitra japi Pablo isili echi nóchilia? Ayena. Alí Jeobá iyali wiká namuti aʼláala (2 Tim. 4:7, 8).

10. ¿Chúsiá we aʼlá ju japi ta iʼwérili nokiboa nokayá echi namuti tákoré ti ke inili echi riká nokinalia?

¹⁰ Jeobá ayénachó we kanili japalí ta iʼwérili noká nokayá japi ta nátili tákoré ti ke inili echi riká nokinalia. ¿Chúsiá ti echi riká noká? Jiti ta we galé echi,  jiti la ti noká echi nóchali tákoré ti ke me kanili echi riká nokayá. Jeobá wiká namuti aʼláala iyali Pablo alí echi riká cho isima tamó yúa ati iʼwérili nokisáaká (Sal. 126:5). Inea japi Jeobá tamó iʼwiri, a keʼré japi ta aminabi iʼwérili nokiboa nokayá echi nóchali. Bilé hermana Polonia bitéami Lucyna riwéami, aní: “Isini kaachi, ani ke siminali nawisasia alí wabé ni ke siminali japalí ni risíami ju. Alí japalí ni ku nawá bitichí we ni kanili; jepuná ko bilé chiliwéliwami ju”. Jipi ko ma binepo jaré namuti japi tamó iʼwírima japalí ti ke inílisa nokinalia bilé namuti.

11. ¿Chúriká tamó iʼwírima Jeobá jiti ta oméripo nokayá japi ta nokinali?

¹¹ Tánisi Jeobá espíritu santo. Echi espíritu santo tamó iʼwírima olayá echi cualidades japi ta newalé aminabi iʼwérili nokimea nokayá echi namuti, tákoré we jilí ju o ke ti inili echi riká nokinalia. Jiti la, tani Jeobá espíritu santo jiti mi iʼwírima olayá we aʼlá cualidades (Luc. 11:13; Gál. 5:22, 23). David, japi ta bineli echoná párrafo bikiá, ruyé chúriká echi iʼwírili raʼichia Jeobá yúa, echi ko aminabi iʼwérili isínali bineli niraa binea echi Biblia. Jiti la tánili Jeobá espíritu santo jiti echi iʼwírima isiá japi echi isínali. Echi ko aní: “Jeobá tamí iʼwírili jiti ni chotásima bineli niraa binea echi Biblia alí jiti ni ke riwema echi riká isiá”.

12. ¿Chúriká tamó iʼwiri japi aní Eclesiastés 11:4 nokayá japi ta nokinali aminabi nóchilimia Jeobá?

¹² Kiti buwé japi suwaba namuti aʼlá nima. Jiti jenaʼí Wichimóbachi nulá Satanás, ke siné aʼlárika nima. Jiti la, ati buwésaká japi aʼlárika nima, ke siné oméripo nokayá japi ta nokinali (leeri Eclesiastés 11:4). Bilé hermano Dayniel riwéami jéaní: “Ke ti siné oméripo nokayá japi suwaba aʼlárika nima. Jiti la ti ke buwésaré japi echi riká ikimea jiti nokiboa japi ta nokinali”. Paul, bilé hermano Uganda bitéami, ayénachó ruyé chúsiá ti ke buwésaré nokimea echi namuti, jéaní: “Japalí mi iʼwérili isimí isiá echi namuti  japi mi isínali tákoré jilí ju, ami riwé japi Jeobá mi iʼwírima” (Mal. 3:10).

13. ¿Chúsiá we aʼlá ju chotasia isiá echi namuti japi ke me jilí ju?

¹³ Chotasi isiá japi ke me jilí ju. A keʼré japi ta ke omeria inili nokayá japi ta nokinali jiti ta inili japi we jilí ju. Ami echi riká ikiyáaká, ¿chúsiá mi ke chotasi isiá echi namuti japi ke me jilí ju? Japi riká, ami simá isíami nínalaká, ¿chúsiá mi ke néwariwéliti isika echi namuti japi ke me jilí ju? Japi mi isínali nísaká leeria suwaba echi Biblia, ¿chúsiá mi ke teeli bi niraa leeri? Tomáš, japi jitra ti bineli ne kulí chotasia jena binelíwami, we jilí nirae suwaba leeria echi Biblia bilé bamíali sika. Echi ko aní: “Ani machiki japi ni we jilí nirama bilé bamíali niraa leeria suwaba echi Biblia. Jiti la ni nátiki checho ku chotásimia leeria, nalí jipi ko kuabi niraa japi ni ikí a omeri. Ani leérima jaré párrafos bi sinibí rawé alí ni natama piri tamí bineri. Aminabi ni we kanilie leeria echi Biblia”. Jiti Tomášʼ we kanílili leeria, echi ko aminá wiká leérisili alí echi riká leérili suwaba echi Biblia. c

14. ¿Piri namuti jilírami ata ikibóaré?

¹⁴ Tákoré tamujé ko we inili nokinalia bilé namuti, isini kaachi ko nirúlimiré jaré namuti japi isima japi ta jilí nirabo nokayá japi ta nokinali. Japi riká, isini kaachi ikí namuti jilírami alí “ke wesi machí chu kabú echi ikimea” (Ecl. 9:11). Ayénachó a keʼré japi ta olabo karú ikiwáami japi isima japi ta siwepo alí ke iʼweria inílipo (Prov. 24:10). Alí jiti ta ke sébali aʼlá nokáami ju, isini kaachi ati nokibóoré namuti japi isima japi ta ma ke oméripo nokayá japi ta nokinali (Rom. 7:23). O ati we risíami ka níliré (Mat. 26:43). ¿Piri tamó iʼwírima japalí ti echi iyiri namuti ikí?

15. ¿Chúsiá ti ke siwé tákoré ikí namuti jilírami? (Salmo 145:14).

 ¹⁵ Newalá japi mi ikisáaká namuti jilírami, ke aniwáami ju japi mi ma ke omérima isiá japi mi isínali. Echi Biblia aní japi ta ikibóaré karú ikiwáami. Nalí ayénachó aní japi Jeobá nikúurola jitra, tamujé ko a oméripo nokayá japi ta nokinali (leeri Salmo 145:14). Philip, japi ta bineli echoná bachá párrafo, jéaní: “Tamí jitra ko ke natéami ju chu kisapi ni ke omeri isiá japi ni isínali, nalí chu kisapi ni checho ku iʼwérili isimí isiá japi ni isínali”. Checho binepo David jitra, echi ko aní: “Japalí ikí namuti we jilírami, nijé ko ke nata japi echi tamí chéwima jiti ni ma ke isima japi ni isínali. Nalí echi namuti jitra japi ikí, nijé ko néwariwéliti Jeobá japi ni we galé”. Echi riká ju, japalí ti ikí namuti jilírami alí ti ke siwé, ati néwariwéliti Jeobá japi ta we kanílitinali. ¿Ami nata japi chu yena kanili Jeobá inea japi mi iʼwérili isimí isiá japi mi isínali?

16. Echi namuti jilírami, ¿piri tamó bineri?

¹⁶ Iné echi namuti jilírami japi riká ko mi bineria. Natá echi namuti japi mi ikí alí nárika isí: “¿Piri ni namuti isima jiti echi karú ikiwáami ke auché tamí chéwima?” (Prov. 27:12). Nalí ke mi omériaká isiá japi mi isínali tákoré mi iʼwérili isimí, ¿kechi aʼlá nima japi jipi ko mi iʼwérili isima bilecho namuti isiá? Echi riká mi ikiyáaká, natá achi mujé ne bichíwali omeri isiá echi namuti. d Jeobá ko ke animea japi mujé ko ke iʼwérili isili isiá echi namuti (2 Cor. 8:12).

17. ¿Chúsiá ti sinibí newalásaré echi namuti japi ta ma nokali?

¹⁷ Newalá echi namuti japi mi ma isili. Echi Biblia ko aní: “Riosi ne wabé wachínaga oláami ju, alí Binói sinibí niráa ʼnatama mapurigá ʼyémitamo wabé galabé olali” (Heb. 6:10). Jiti la, mujé ayénachó natásaré japi mi ma isili. Japi riká, mujé ko ma Jeobá amígowala ju, ma mi simí nawisasia alí ayénachó ma mi pakoli. Echi namuti japi mi ma isili nóchilimia Jeobá, néwariwéliti japi mi a omeri isiá japi mi isínali (Filip. 3:16, TNM).

18. ¿Piri mi newalásaré japalí mi aminabi iʼwérili isimí isiá japi mi isínali? (Ayénachó iné echi dibujo).

¹⁸ Jeobá mi iʼwírima jiti mi a omérima isiá japi mi isínali alí mi we kanílima, japi riká echi rijoi japi lancha asea simí alí sea japoná siminali. Ayénachó echi rijoi japalí inari echoná mar we kanila simí. Mujé ayénachó we kanílima japalí mi iné japi Jeobá mi iʼwiri isiá echi namuti japi mi isínali (2 Cor. 4:7). Ami ke siwésaká, Jeobá mi iyama wiká namuti aʼláala (Gál. 6:9).