AMI simílaká echoná taa isla Sangir Besar (Indonesia) ma chabé jaré bamíali, a keʼré japi mi riwimeli bikiá hermanas echoná playa. Tákoré echi pagótami echoná isla piréami aʼlá machiyé japi echi bikiá hermanas iʼwiri echi pagótami aʼlá inamia echi Biblia, nalí jipi ko ke nawesia járili echoná playa. ¿Piri nokayé?

Bachá, echi moʼiyé echoná pachana mar aasia echi rité japi weli ju japi riká echi pelota fútbol, alí toyá simíaye echoná playa. Alí mochibie echoná sillas japi madera jitra niwárami ju alí bilé martillo jitra asichie echi rité japi yena ko kuuchi nili japi chulú bilé kaʼwá. Alí echi kuuchi rité muchuwie echoná baldes toyá ku simíaya aboi pirélachi moka jaré escaleras. Miná ko muchuwie echi rité jaré weli bolsas alí camiones napabúe echi bolsas rité muchúwami. Echi rité néerami nili niwamia carretera.

Bilé echi hermanas ko riwewi Hulda. Echi ko omérili simiria wiká horas nochia echoná playa alí echi winomí jitra japi natétili omérili iʼwiria binoy téemala. Nalí jipi ko napabúnilie winomí ralimea bilé tableta japoná omérima descargaria echi aplicación JW Library^®. Hulda ko aʼlá machiyé japi echi videos alí japi uchuwi echoná aplicación echi iʼwírima jiti aminabi we aʼlá nawésami nima alí aʼlá inámima japi aní echi Biblia.

Bilé michá miná nasipa, Hulda ko nóchili okuá horas sinibí biʼá. Echi rité jitra japi asínali bochíwili bilé camión japi taa nili. ¡Echi riká napabuli echi winomí ralimea bilé tableta!

Hulda ko jéaní: “A bichíwali ju japi ni we risiyá sunili asichia echi rité. Nalí japalí ni ma ralaki echi tableta ma ni ke okoa nilie, jiti ni omerie néea japalí ni simiyé nawisasia alí ni omerie binea japi binéporé echoná napawíliwachi”. Ayénachó aní japi olayá echi tableta we iʼwírili japalí niruili pandemia, jiti echi napawíliwami nili videoconferencia niraa. ¡We ti kanili machiyá japi Hulda a ralali japi newaleli!