¿Ami kanílisa nili japi echi namuti japi mi biné we aʼlá mi iʼwírima? Jepuná busuréliami mi iʼwírima jiti ke bilé namuti mi nukumema japalí mi binea asisaa:

• Aa japoná mi kanila asimea binea. Japoná biʼwíami ju alí japoná ke chibi riká niraa wilí. Ayénachó japoná we nirú luz jiti mi aʼlá machílima. Ami omérima asaká binea echoná escritorio o echoná bilé mesa, o machí ayé japoná mi kanila asimea.

• Aa japoná mi bineli asimea binea. Jesús ko raʼíchili Jeobá yúa we “biʼyá chónachi” alí “Binói simili echoʼná biléana waná kawichí” (Mar. 1:35). Ke mi omériaká bineli asiyá, ruyé mujé téemala o japi mi yúa bité chu iyiri rawé o chu iyiri hora mi binénali alí ané japi mi ke nukumema.

• Kiti riwé japi jarecho namuti mi nukumema. Ami binéaká néeka echi teléfono o tableta ma, uchá japoná aní modo avión o silencio. Ami binea asisaa alí mi newalasa bilé namuti japi mi isísaré, osá jiti mi che siné isima. Ami jilí niráaká kilí asaká binea, teeli wilisi alí che ku biné.