Japalí ti kulí chotásipo binea, a keʼré japi ta nárika nokiboa jepuná: “¿Piri ni binénali?”. Tákoré aʼlá ju japi ta natabo piri jitra ti binénali, we natéami ju japi ta binepo namuti kulíwami japi Jeobá tamó binérinali. ¿Chúriká nokiboa?

Tani Jeobá japi mi iʼwírima machíami niya. Kiti echi riká bi ripí kuabi namuti machiyá (Prov. 3:5, 6). Tani Jeobá japi mi iʼwírima jiti mi machimea japi echi nakí japi mi binema jipi (Sant. 1:5).

Riwé japi echi Onorúami Raʼicháala mi iʼwírima. “Riosi Raʼíchala sinibí bitéami ju” (Heb. 4:12). Japalí ti leeri echi Biblia, sinibí ti biné kulíwami namuti alí ayénachó sinúrika niraa tamó iʼwiri. Nalí be, echi riká ikimea, ati natásaká japi ta newalé binea japi Jeobá tamó bineri.

We natéami niraa iné suwaba japi Jeobá nee mi binérimia. Suwaba echi namuti japi Jeobá mi iyá jiti mi binema echi jitra, echi ko ju japi riká koʼwáami (Is. 25:6). Leeri echi temas japi mi mayé japi mi ke me kanílima binea. Echi riká mi isísaká, ke bi mi iʼwírima aʼlá isíami niya, nalí ayénachó we mi kanílima binea.