Ani ochériki echomí Paddington, Londres (Inglaterra) japoná wiká pagótami rijowi. Ani bitei nijé iyela yúa alí bikiá ochilá. Nijé onolá ke siné atiyé jiti we bajíami nili.

Japalí ni tiwé ke nijé iyela tamí binérili chúriká ni raʼichama Onorúami yúa sinibí rokojó. Ani olayé bilé taa Biblia japi Salmos bi oserúami nili alí ni binoy niwayé echi música jiti ni omérima wikaráa. Siné kaachi ani nata ripiki japi ni leériki bilé líbrochi: “Siné rawé ati suwibóiré”. Ke ni omérili ochiyá natia japi ni leériki; we ni natie japi ikimea pe aminana. Ani mayé japi riká ti piré jipi, ke echi bi ju. Alí ni natie: “¿Chúsiá ni bité?”. ¡Nijé ko ke mukunalie!

Ani machinalie echi ocultismo jitra. Jiti la ni iʼwérili isiki raʼichia echi mukúami yúa, ani simiki echoná panteones nijé amígowala yúa japi ni yúa napawíe echoná escuélachi, ayénachó ti napawíe inemia películas japi tamó majarie. Tákoré ti majae, ayénachó ti kanili inea.

Tákoré ni 10 bamíbami ke, nijé ko ma chotásili we cha isiá. Japi riká, ani sinibí pewie cigarro alí miná ko echi marihuana. Japalí ni 11 bamibi chotásiki bajía alcohol, tákoré ke raʼilie ani simá nili rikúa. Chabé ko ni we baʼori echi música alí ni we kanili aʼwiyá. Japalí ni a ikirie, ani simiyé echoná discoteca anilíwachi alí ayénachó echoná fiéstachi. Ani machini ma rokojó kaachi bitichí jonsa alí ni ma machíliachi ku nolini, jiti ke bilé machimea. Ani sinibí biʼá we risíami busuré alí ni ke siminali escuélachi. Japalí ni simiyé, ani bají echoná.

Kecho sunisa echi escuela, ke ni aʼlá calificaciones olali. Japalí nijé iyela a machili japi ni isili, we siwea nili alí we iyoli. Ata naʼáwiki alí ni miná simiki Tony yúa bitélimia, japi nijé nóviowala ke. Tony ko chikórami nili alí drogas ralinéami, ayénachó we aparúami nili. Japalí ni 16 bamibi, ani bilé towí ranali.

Ani machiki echi testigo Jeobá bilé albergue japoná niruili wiká umukí kúchuwami japi ke kunéami nili. Okuá umukí testigo wisabé niraa nolinie binérisia echi Biblia jarecho umukí. Siné rawé nijé ayénachó raʼíchili echi yúa jiti néwariwélitima japi echi testigo ikaleka bineri. Nalí be, echi ko néeka echi Biblia, kilí tamí ruyeli suwaba japi ni nárili. We ni kanili jiti echi ko we galéami nili. Jiti la ni chotásiki binea Biblia echi yúa.

Ani bineki bilé namuti japi tamí iʼwírili. Japalí ni taa tiwé ke, echalí jonsa ani we majae mukuyá. ¡Nalí ani bineki japi echi suwíkami checho ku pirélima! (Juan 5:28, 29, TNM). Ayénachó ni bineki japi Onorúami tamí we natéami niraa iné (1 Pedro 5:7). We tamí kaníliti japi aní Jeremías 29:11, jériká aní: “We ni aʼlá machí japi ni isímaré emi jitra —echi riká aní Jeobá—. Japi timí kilí pirélima alí timí ke chati namuti ikiboa. Japi timí kanílika pirélima pe aminánami”. Ani chotásiki bichiwia japi ni a omérima sinibí bitea echoná Wichimóbachi baʼóachi (Salmo 37:29).

Echi testigo Jeobá ko newa nokali japi we tamí galé. Japalí ni kulí simili echoná napawíliwachi, nijé ineli japi sinéami we galéami nili anakupi niraa (Juan 13:34, 35). Sinéami we simá aníami nili, ke tasi echi riká nili japalí nijé simili echoná tiyópachi. Echi testigo ke siné cha riká raʼíchili tamí jitra. Echi ko tamí tibuli, we tamí galeli alí tamí iʼwírili jiti ni olama echi namuti japi newaleli. Japi riká nijé téemala nili.

Ani bineki japi ni riwésaré echi chati namuti japi ni isimí alí japi ni nijéwisaré japi Jeobá nulá. We jilí nili riwea pewia. Jaré canciones isili japi ni péwinílima marihuana, jiti la ani chotásiki kipúa jarecho canciones. Ma ni riweki simiyá discoteca jiti ni ma ke bajima. Ayénachó ni aaki aʼlá amigos japi tamí iʼwírima jiti ni aʼlá isima (Proverbios 13:20).

Echalí Tony ayénachó bineli echi Biblia echi testigo Jeobá yúa. Japalí bineli japi machinali, echi ko a machili japi ne bichíwali nili. Tony ko riweli isiá namuti chati alí ma ke napawili echi chati nokáami yúa. Ayénachó riweli chikoa alí ma ke péwili drogas. Tony alí nijé, ati bineli japi ata nijéwinalaká Jeobá ata niwisa riweili, alí echi riká tamujé ranala aʼlá bitélima. Bamíali 1982 ata niwiki.

Ani newalá japi ni aaki echoná oselí La Atalaya alí ¡Despertad! * japi nokali jaré pagótami jiti riwema nokayá echi chati namuti, alí nijé achó echi riká isínali. Japi ni leériki we tamí iʼwírili jiti ni ke siwea nílima, nalí jiti ni iʼwérika isima nijewia Jeobá. We ni tániki Jeobá jiti ke tamí riwema. Tony alí nijé pakoki echi mechá julio bamíali 1982.

We tamí iʼwírili Jeobá amígowala niya. Jeobá tamó iʼwiri japalí ta karúa ikisaa. Ata bineki bichiwia Jeobá japalí ti risoa nili alí Jeobá sinibí tamó tibú (Salmo 55:22).

We ti kanili iʼwiria tamujé kúchuwala jiti Jeobá amígowala nima. Alí ayénachó we ni kanili jiti nijé niétowala aminabi binésimi Jeobá.

Ma ni ke majaa japalí ni nata echi mukuwáami alí japi ikimea pe aminana. Tony alí nijé sinibí tarali ta simía echoná congregaciones testigo Jeobá alí jiwérili iyamia echi hermanos jiti kanílika nóchilima Jeobá, alí ata napawika bineri echi pagótami japi a bichíwisaká Jesús, sinibí pirélima.