1. Onorúami Jeobá ko

we natéami niraa iné,

jiti tamujé anili

japi echi bi nijéwipa.

Tasi ta siné riwepo

tamujé Onolá Jeobá.

¡We kanílika nochabo

japi echi Jeobá nulá!

2. Echi Riablo ke kanili

japalí ti we aʼlá noká,

jiti bela we sayera

japi we aʼlá nokáami ju.

Nalí be ti ke majaba

jiti tamujé Onolá

we kanílika nikuuro.

¡Sinibí ti niyúripo!

3. ¿Chúriká Jeobá nikuuro

jiti ta anachaba sinibí?

Echi ko nijili Biblia

jiti sinibí leéripo.

ʼLí Jeobá yúa raʼichabo

jiti ta kanílipo.

Napawílwachi simabo

japoná ta aʼlá biné.