1. Jeobá ju japi niwali

ripá siyónachi,

ayénachó niwali

jena Wichimóbachi.

Jeobá ju japi niwali

sinéami tamujé.

Alí tamujé kanílika

nijéwisaré Jeobá.

2. Jesús pakótami nili

baʼwírali niraa

alí aʼlá machili

japi chapirúami ju.

Jesús ke tasi majaka

nijéwili Jeobá,

ayénachó we kanílika

binérili sinibí.

3. Nijé kanila nochama

japi mujé nulá

alí ni ke natama japi

ni binoi nakí.

Jeobá, nijé mi bichiwi;

we mi tamí galé.

Nijé mi nijéwima, Jeobá.

Ke ni mi riwémalí.