1. Ata iʼwérili iʼyabo

japi aʼmónika bité.

Wabé simá riká raʼichabo

japi wabé risóati ju.

Ayénachó ti nokiboa

japi riká Jesús nulá:

ata wabé galéami nipo,

iʼwíripo jarecho si.

2. Wabé simá riká raʼicha

echi japi amigos ju.

Sinéami ka ta napawika

nijéwipo echi Jeobá.

Japi riká ti anachabo

iʼwérili nijísaré.

Ata kanílika nochabo

japi riká Jeobá nakí.

3. Pe aminana ikimea

namuti japi chati ju

alí sinéami tamujé ko

wabé galéami nísaré.

Kanílika ta napawipo

jiti wabé natéami ju.

Iʼwérili iʼyabo echi

japi aʼlá amigos ju.