Nüíraátüwa ya torü sitearü nanaweꞌ i natchigagü rü vídeogü na nüü̃ nanangútchaü̃ẽẽ i duü̃ü̃gü i tama Yeuwaarü Orearü Uruü̃gü niĩ. (Pur 13:48) Nawa nanaweꞌ i nümaü̃ i ngupetügü rü natchigagü na duü̃ü̃gü nüü̃ niugü i nhamaãcüü.

Nhuãcü namaã i ngẽma nüíraátü nawa i site jw.org rü duü̃ü̃gümaã quidea tá?

• Guü̃guma nagu naücu. Meãma nangugü i natchigagü i ngẽma sitewa ngẽmaü̃, rü nagu rüĩnü na nhuãcü ngẽma rü duü̃ü̃güü̃ narüngü̃ẽẽ. Meã nüü̃ nacuaꞌü̃ i taꞌacü torü site nanaweꞌ, cuü̃ narüngü̃ẽẽ tá ngẽguma duü̃ü̃gümaã quideagu.

• Namaã i natchigagü rü vídeogü ya nüíraátüwa inaügü i curü dea. Ngẽma rü tüü̃ narüngü̃ẽẽ na nüü̃ icuaꞌgüü̃caꞌ i taꞌacü duü̃ü̃gü nagu rüĩnüẽ.

• Duü̃ü̃güü̃ naweꞌ i nüíraátü ya torü sitewa. Nüü̃ naweꞌ i natchigagü rü ta na nhuãcü nacaꞌ nadau i torü sitewa.

• Nanamu i link. Nümaü̃ i duü̃ü̃gücaꞌ tama name wüi Yeuwaarü Orearü Uruü̃maã nidea, notürü nagu naücutchaü̃ i torü site. Rü ngẽmagagu, duü̃ü̃gü na yeera nüü̃ nacuaꞌgütchaü̃caꞌ nanamu i link nacaꞌ i nüíraátü rüeꞌna natchiga rüeꞌna vídeo.