TORÜ MAÜ̃ I CRISTURÜÜ̃ IĨÜ̃

Nüü̃ rüngü̃ẽẽ teé tama Tupanagu tayaõ

NAPAÜ

Marü tama wüi duü̃ü̃maã quidea i Tupanatchiga erü nagu rüĩnü̃ na nüma rü tama cuü̃ naĩnütchaü̃? Name nüna nacuaꞌãtchi na muü̃tchi i tama yaõgüü̃ nhuꞌma rü Yeuwaarü Orearü Uruü̃gü niĩ. Bemana nümagü nanawaꞌe wüi ngü̃ẽẽ na nüü̃ nicuaꞌãtchiü̃caꞌ na Tupana aicuma nangẽma. — Rom 1:20, 10:14

NÜÜ̃ NADAU I VÍDEO: NÜNA CUCUAꞌÃTCHI: TEÉ NORI TAMA TAYAÕGÜE RÜ TÜÜ̃ NATAUTCHA TAYAÕẼ! — TAMA YAÕẼ. YICAMA NANGÃÜ̃:

• Nhuãcü taene Tommaso arü cuaꞌruü̃ cuü̃ narüngü̃ẽẽ ngẽguma namaã quideagu i tama yaõgüü̃?

Curü ngãü̃

Nhuãcü tá cuüü̃

Tchi wüi duü̃ü̃ nüü̃ niugu tama yaõü̃ niĩ, rü namaã namecüma, nacaꞌ rüĩnü i taꞌacü nüma nidea rü nagu narüĩnü i natchiga. (2 Tim 2:24) Nüü̃ niu taꞌacü nüü̃ naĩnütchaü̃. Eꞌna nüü̃ naĩnütchaü̃ rü nangugütchaü̃ i taꞌacü togüü̃ nüü̃ nayaõẽẽ na Tupana nangẽma? Tchi nüma rü nüü̃ naĩnütchaü̃gu rü nüü̃ naweꞌ tá i poperagü rü vídeogü i ngẽmatchigaü̃ niu. Ngẽma poperagü A Vida — Teve um Criador? rü A Origem da Vida — Cinco Perguntas Que Merecem Resposta rü torü popera i nguꞌruü̃wa nangẽma rü tama nagutcha na nüü̃ itayangauü̃caꞌ.

Bemana cumuü̃ na namaã nüü̃ quiu i ore i aicumaü̃ i tama Tupanagu yaõü̃. Name na nacaꞌ naca i ngü̃ẽẽ i orearü uruü̃ i yeera cuácü niĩ. Rü ta, nüna nacuaꞌãtchi na Yeuwa tuü̃ narüngü̃ẽẽ tá na duü̃ü̃güarü maü̃newa nanguẽẽ i ore, woo nümagü naü̃pa tama nagu nayaõ. — Pur 13:48

MAÜ̃ RÜ PURACÜ NGUTAQUEʼEARÜ POPERA