TORÜ MAÜ̃ I CRISTURÜÜ̃ IĨÜ̃
Yaõgüü̃arü dauruü̃gü na napuracüe nacaꞌ i Yeuwaarü duü̃ü̃güarü me
Muü̃tchi i duü̃ü̃gü tchieü̃gu rüĩnüẽ ya yiema na togümaã ínacuágü. Tüꞌcüü̃? Erü muü̃tchi i taunecüguyane duü̃ü̃gü i togümaã cuágüü̃ naü i ngẽma na nüicatama narüngü̃ẽẽü̃caꞌ. (Miq 7:3) Notürü poraãcü moẽ nüna iãgü nacaꞌ i guü̃ma i anciãogü, na nügü naporaẽẽgü na meã Yeuwaarü duü̃ü̃güna nadaugüü̃caꞌ. — Est 10:3, Mat 20:25, 26
Anciãogü tama to i ãẽꞌgacümaã nawüigu, erü nanaügü i norü puracü erü nüü̃ nangetchaü̃ a Yeuwa rü norü duü̃ü̃gü. (Juã́ũ 21:16, 1 Pe 5:1-3) Ngetchutchuarü ucuꞌẽgümaã, anciãogü nüü̃ narüngü̃ẽẽ a Yeuwaarü duü̃ü̃gü na nüna nangaicamagüü̃caꞌ. Nümagü paãma nüü̃ naporaẽẽ i Yeuwaarü duü̃ü̃güarü õ rü nüü̃ narüngü̃ẽẽ i gutchaü̃güwa. Tchi cunawaꞌegu i ngü̃ẽẽ, name na yaõgüü̃arü dauruü̃gümaã nidea. — Tia 5:14
NÜÜ̃ NADAU I VÍDEO: YAÕGÜÜ̃ARÜ DAURUÜ̃GÜ RÜ NÜNA NADAU I YEUWAARÜ DUÜ̃Ü̃GÜ. YICAMA NANGÃÜ̃:
-
Nhuãcü anciãogü tüü̃ narüngü̃ẽẽgü a Mariana?
-
Nhuãcü anciãogü nüü̃ narüngü̃ẽẽgü a Elias?
-
Taꞌacügu curüĩnü natchiga i anciãogüarü puracü nawena na nüü̃ cuĩnü i ngẽma oregü?
