ÍNAUÃẼ!
Nitchietchigü i taãẽ ya ingetüꞌügüe — Taꞌacü nüü̃ niutchiga i Tupanaarü Ore?
Yüüarü wüi ya 13 fewereruarü ya 2023gu, ngẽma Centro de Controle e Prevenção de Doenças (CDC) Estados Unidoswa nüü̃ niu natchiga nhuãcü niĩ i naãẽ i estaduuníducüãꞌ i ngetüꞌücügü rü paü̃gü. Norü poperawa marü nanaweꞌ na 40%arü yeera i norü ngúeü̃gü i ensino médiowa rü guü̃guma nangetchaü̃ rüeꞌna natauma i taãẽ.
Ngĩma dutúru ya Kathleen Ethier i pscicologiatchiga ya namaã icuáü̃ i Divisão de Saúde Escolar e do Adolescente i norü CDC, rü ngĩgürügü: “Woo 10 taunecü nitchietchigü i ngẽma naãẽ i nangetüꞌügüarü. Notürü nhuꞌma tchieütchiü̃ i naãẽ rü yeeraãcü nügü nimaꞌtchaü̃gü i ngẽma paü̃gü rü ngetüꞌücügü.”
Nüü̃ cudau i nhure natchigaü̃ i norü popera:
Wüiearü yeera i 10 paü̃gütanüü̃wa (14%) marü ngĩmaã namaü̃ẽẽ. Ngĩma dutúru ya Kathleen rü ngĩgürügü: “Ngẽma rü nüü̃ ioegaãẽẽ . . . Erü 10 paü̃gütanüü̃wa na marü nüü̃ cucuaꞌü̃, wüie rüeꞌna wüiearü yeera rü marü ngẽaꞌü̃ iyaumareü̃.”
Wigutaaꞌ wüie ya 3 paü̃gütanüü̃wa (30%) rü marü poraãcü nagu irüĩnüe i nügü nimaꞌtchaü̃ü̃.
Wigutaaꞌ wüie ya 5 paü̃gütanüü̃wa (57%) guü̃guma poraãcü ingetchaü̃gü rüeꞌna natauma i taãẽ.
Ngẽma natchigagü rü tüü̃ nangetchaü̃ẽẽ! Name niĩtchire poraãcü nataãẽgü i ngẽma paü̃gü rü ngetüꞌücügü. Taꞌacü tá nüü̃ rüngü̃ẽẽ i ngẽma paü̃gü rü ngetüꞌücügü ngeguma gutchaü̃wa nangemagu i nhuꞌma? Taꞌacü nüü̃ niutchiga i Tupanaarü Ore?
Tupanaarü Ore nüü̃ narüngü̃ẽẽ i ngẽma nangetüꞌü̃gü
Tupanaarü Ore nüü̃ nacuaꞌama na nagutchaütchi i nhuꞌma i nguneü̃. Nawa nüü̃ niu na “rü tá nangẽxma i ãũcümaxü̃gü rü guxchaxü̃gü naxca̱x i duü̃xü̃gü”. (2 Timúteu 3:1-5) Notürü Tupanaarü Ore rü ta nüna naãü̃ i ucuꞌẽgü na marü nüü̃ narüngü̃ẽẽ i muü̃tchiü̃ma i paü̃gü rü ngetüꞌücügü i guü̃ i naanewa na nüü̃ icuaꞌü̃caꞌ na nhuãcü nüü̃ narüporamae i ngẽma gutchaü̃gü. Nhaa natchigagü i Tupanaarü Orewa ne iĩü̃ rü tá cuü̃ rüngü̃ẽẽ:
Nacaꞌ tüü̃ rüngüẽẽ ya tügü imaꞌtchaü̃güe i ingetüꞌü̃güü̃
Nacaꞌ tüü̃ rüngüẽẽ ya poraãcü ingetchaü̃güe rü tchieü̃gu irüĩnüe i ingetüꞌügüü̃
Deixe a Tristeza de Lado (cómüwa natchicünaꞌãü̃)
Nacaꞌ tüü̃ rüngüẽẽ ya iyaugüe i bullying rü cyberbullying
Nhuãcü tá Cuma Nüü̃ Curüporamae i Bullying (cómüwa natchicünaꞌãü̃)
Nacaꞌ tüü̃ rüngüẽẽ ya ngúü̃ tinge namaã i assédio rüeꞌna abuso sexual i ingetüꞌügüü̃
O que eu preciso saber sobre abuso sexual? — Parte 1: Que cuidados tomar
O que eu preciso saber sobre abuso sexual? — Parte 2: Como se recuperar
Tupanaarü Ore nüü̃ narüngü̃ẽẽ i papagü rü mamagü
Tupanaarü Ore rü ta nüna naãü̃ i meü̃ ucuꞌẽgü na papagü rü mamagü nüü̃ rüngü̃ẽẽü̃caꞌ i naacügü na nüü̃ narüporamaeü̃caꞌ i norü gutchaü̃gü. Nüü̃ cudau i nhaa natchigaü̃gü i Tupanaarü Orewa ne iĩü̃:
Filhos e redes sociais — Parte 1: Devo deixar meu filho usar redes sociais?
Filhos e redes sociais — Parte 2: Ensine seu filho adolescente a usar as redes sociais com segurança
Pais, filhos e smartphones — Parte 1: Meu filho deve ter um smartphone?
Pais, filhos e smartphones — Parte 2: Ensine seu filho a usar um smartphone de maneira responsável