‘Tupana . . . ta inanapi i naü̃tchiüetü i guü̃ma i ngema duü̃ü̃gü. Rü marü tãũü̃tama teꞌe tayu, rü teꞌe tümaãrü ngetchaü̃maã taau, rü teꞌe nguü̃ tingegü. Erü guü̃ma i ngema nguü̃ rü marü inayarüo.’ (Apocaríchiu 21:3, 4, Tupanaãrü Ore i Tórü Cori ja Ngechuchu ja Cristuchiga).

Cuma rü ta . . .

cuyaꞌõ na Tupana tauguma tüna naꞌinüü̃ na tchieü̃ tamaã ngupetüü̃caꞌ. (Tiagu 1:13)

taãẽ cuü̃ nangema ngemani nüü̃ cucuaꞌü̃ na Tupana curü oeẽü̃ nacuaꞌü̃. (Salmo 55:22)

meü̃ i nguneü̃gü iquinguꞌẽẽ erü guü̃ i oeẽ rü narüoꞌ ta. (Salmo 37:9-11)

Ngü, tare i aicumacaꞌ:

• Tupana rü natchi naꞌai i oeẽ rü ­taꞌacü tama weguü̃ ta. Tupanaarü Ore rü nanawe na yeguma Tupanaarü duü̃ü̃maã tchiri inacuaꞌgügu, nüma rü narümaꞌãtchi. Tupanaarü Ore nüü̃ iꞌu: ‘Rü ngemaãcü meama nüü̃ tchacuaꞌ na nhuãcü nguü̃ ya­ngegüü̃.’ (Êxodo 3:7)

  Rü Tupana rü nanu ngeguma teꞌe tchieü̃ togüemaã taügu. Faãtchiruü̃, Tupanaarü Ore nüü̃ iꞌu na Tupana ‘rü natchi naꞌai i ngema maꞌwaegüü̃’.(Salmo 11:5)

• Wüitchigü i yiema rü Tupanaãü̃ tatchuꞌu. Yeuwa ya Tupana rü nanawae na torü oegaãẽtchigagu namaã ideꞌaü̃ erü nüma rü aicuma tüna nadau. (1 Pedru 5:7)

  Norü Ãẽꞌgacümaã, Yeuwa rü paꞌa ta guü̃ma i wüietchigüarü oeẽü̃ narüoꞌẽ ta. (Mateu 6:9, 10) Ngemani tauta i ngema yanguꞌẽü̃, nüma rü yoni tüü̃ nataãẽꞌẽẽ ya nacaꞌ aicuma daugüe. (Puracügü 17:27; 2 Corĩ́tiucü̃ã 1:3, 4)