‘Tupana . . . ta inanapi i naü̃tchiüetü i guü̃ma i ngema duü̃ü̃gü. Rü marü tãũü̃tama teꞌe tayu, rü teꞌe tümaãrü ngetchaü̃maã taau, rü teꞌe nguü̃ tingegü. Erü guü̃ma i ngema nguü̃ rü marü inayarüo.’ (Apocaríchiu 21:3, 4, Tupanaãrü Ore i Tórü Cori ja Ngechuchu ja Cristuchiga).

Cuma rü ta . . .

cuü̃ nangema wüi puracü meü̃ rü taãẽ cuna ãü̃. (Miquéa 4:4)

wüi naane i dawegü rü oeẽ nawa tauü̃wa ta cumaꞌü̃. (Salmo 72:7; Juã́ũ 11:25)

cutaãẽẽtcha naü̃tawa i cutanüꞌü̃gü rü cumücügü. (Salmo 37:11, 29)

Ngü, tare i aicumacaꞌ:

• Tupana rü naãrü poraã na nayanguꞌẽü̃ i nhaã namaã nawaü̃. Tupanaarü Orewa, Yeuwa ya Tupanarica niꞌĩ ‘Guü̃arü yeera Poracüãcüꞌ nacuaꞌgücü, erü norü pora rü tauguma nigu’. (Apocaríchiu 15:3) Ngemacaꞌ, nüü̃ yaꞌõgü na nayanguꞌẽü̃ ta i namaã nawaü̃ na nhaã naane Meẽtchiü̃ i Naanegu nayaĩĩtchieü̃. Tupanaarü Ore nüü̃ iꞌuü̃rüü̃, Tupana rü nüü̃ nanguü̃ na guü̃ naüü̃. (Yó 42:2)

• Tupana rü nanawae na nayanguꞌẽü̃ i namaã nawaü̃. Faãtchiruü̃, Yeuwa rü yiema duẽꞌẽgü yueecaꞌ nangetchaü̃ rü nanawaeütchima na wenaarü maꞌü̃ tüna naã. (Puracügü 24:15)

  Tupanaarü Ore rü ta nanawe na Tupana Nane, Ngetchutchu, dawegüãü̃ü̃ narümeꞌẽü̃. Tüꞌcüü̃ ngema naü? Erü aicuma nanawae. (Marcu 1:40, 41) Ngetchutchu rü meama nanatücüma nidaũ rü ngemacaꞌ nanawae ga duẽꞌẽgüü̃ narüngüꞌẽẽü̃. (Juã́ũ 14:9)

  Ngemaãcü, tayaꞌõgü na Yeuwa rü Ngetchutchu tüü̃ narüngüꞌẽẽgüegaü̃ na aicumaü̃ i taãẽ tüü̃ ngemaü̃caꞌ. (Salmo 72:12-14; 145:16; 2 Pedru 3:9)