‘Guü̃ma i nhama i naanecü̃ã rü Ngoꞌo i Tchatanameꞌẽwa nangemagü.’ (1 Juã́ũ 5:19, Tupanaãrü Ore i Tórü Cori ja Ngechuchu ja Cristuchiga).

‘Rü noretama i nguneü̃ natau na ngema tchieü̃ ügüü̃ rü na iyanaoü̃. Rü woo ta nacaꞌ cudaugu rü taugutama nüü̃ icuyangau.’ (Salmo 37:10, Nüxíraxü̃xü̃ i Tupanaarü Ore).

Nüü̃ cucuaꞌguta i ngema rü cuü̃ ta narüngüꞌẽẽ na . . .

nüü̃ cucuaꞌ tüꞌcüü̃ niꞌĩ naanewa gutchaü̃gü ngemaü̃. (Apocaríchiu 12:12)

cuyaꞌõü̃ na Naane rü wüi i natchica i meü̃ yiꞌĩü̃ ta. (1 Juã́ũ 2:17)

Ngü, tamaeꞌpü i aicumacaꞌ:

• Nore i nguneü̃gü natau na Tchatanaarü ãẽꞌgacü narüoü̃. Yeuwa rü nanawae na Tchatana narüoẽü̃ erü duẽꞌẽgüü̃ inawomüꞌẽẽ. Tupana rü marü nüü̃ niꞌu na Tchatana narüoẽü̃ ta rü nanameꞌẽü̃ ta guü̃ma i taꞌacü i tchieü̃ i nüma inaüü̃. (Ebréugü 2:14, Tradução do Novo Mundo)

• Tupana rü Ngetchutchuü̃ nauneta na Naanearü ãẽꞌgacü yiꞌĩü̃caꞌ. Nhuma Naanearü ãẽꞌgacü iꞌĩcü rü natchiecümaü̃tchi rü nügüguicatama narüꞌinü. Ngetchutchu rü tama Tchatanarüü̃ niꞌĩ. Tupana rü nüü̃ niꞌu na Ãẽꞌgacü ya Ngetchutchu rü yiema tama tügü icuaꞌüü̃güeü̃ nangetchaü̃tümüü̃gü. Rü yiema ngearü dĩẽruãgüeü̃ rü ta inapoü̃. Rü ta tüü̃ inanguü̃ꞌẽẽ namewa i ngema tchiri tümamaã icuaꞌü̃ rü tüü̃ daiü̃. (Salmo 72:13, 14)

• Tupana rü tama nidora. Tupanaarü Ore rü nhaü̃ meama niꞌu: ‘Tupana rü taguma nidora.’ (Titu 1:2) Yeuwa rü wüi Tupana aicumacü niꞌĩ. Taꞌacü i nüma nüü̃ yaꞌuü̃ na naüü̃ rü nayanguꞌẽẽ ta! (Ichaía 55:10, 11) Aicumaü̃cü, ‘nhuma ta niꞌĩ i Tupana inataütchiü̃ i ngema nhama i naanewa poraü̃ i Tchatana.’ (Juã́ũ 12:31)