Tupana nanawae na Naanewa tataãẽgüü̃ ya duẽꞌẽgü. Nüma niaguꞌẽẽ ta i duẽꞌẽgüarü ­oeẽ rü nhuꞌmatchi maꞌü̃ rümeꞌmaẽ tüna naꞌã ta. Nüma niꞌĩ Naane naüü̃ rü guü̃ma i taꞌacü nawa ngemaü̃ erü duẽꞌẽgüü̃ nangetchaü̃. Nawa naugütae i Yeremía 29:⁠11.

Natauma i ãẽꞌgacü i nüü̃ rüoꞌẽ i tchieü̃ ügüü̃ rü nhuꞌmatchi daweü̃ rü yuü̃. Notürü nangema i deꞌagü i megüü̃ i nhaü̃: Tupana norü ãẽꞌgacümaã nanaütchicüü ta i ãẽꞌgacügü i naanecü̃ã na nüĩ duü̃ü̃gümaã nacuaꞌü̃caꞌ. Duẽꞌẽgü ya yima ãẽꞌgacüga inüꞌẽẽ rü meã ta tügümaã tamaꞌẽ rü nhuꞌmatchi taugutama tidawegü. Nawa naugütae i Apocaríchiu 21:3, 4 rü Danié 2:⁠44.

Erü aũrima tioeẽgü. Rü Tupana tchieü̃ ügüü̃ naanewa narüoꞌẽẽgu rica ta niꞌĩ marü tama ioeẽgüü̃ (Salmo 37:⁠38, 39) Nhugu ta nangupetüü̃ i ngema? Tupanaarü Ore noritama marü nüü̃ niꞌu i guü̃ma i tchieü̃ i nhuma duẽꞌẽgümaã ingupetüü̃. Tupana niaguꞌẽẽ ta i gutchaü̃gü i nhuma ngemaü̃. Nawa naugütae i 2 Timóteo 3:⁠1-⁠5, Tradução do Novo Mundo.

Name niꞌĩ Tupanatchigaü̃ icuaꞌ Norü Orewa. Tupana tüü̃ nangetchaü̃ rü nhuꞌmatchi norü ore tüna naꞌã na tüü̃ na­ngueꞌẽẽü̃caꞌ. Norü Orewa, Tupana tamaã nüü̃ niꞌu nhuãcü ta wüi maꞌü̃ rümeꞌmaẽ iyaugüü̃ rü taꞌacü i ügüü̃ ta na tauguma i yueü̃caꞌ. Aicuma niꞌĩ nümaü̃tchigü i duü̃ü̃gü tama norü me yiꞌĩü̃ na wüie ya duẽꞌẽ Tupanaarü Oreca cuü̃ tanguꞌẽẽ. Nameꞌẽtchima na wüi maꞌü̃ rümeꞌmaẽü̃ iyaugüü̃ ta ngemacaꞌ tama ngema maꞌü̃ tarütauẽega. Nawa naugütae i Provérbios 29:⁠25 rü Apocaríchiu 14:⁠6, 7.