Yeguma Tchatana nüĩratchiü̃ma ga dora yaꞌugu niꞌĩ naügüü̃ ga nuã ga Naanewa ga oeẽ. Nüma rü wüi ga ãĩyu ga mecü­tchire niꞌĩ notürü ‘taguma ore i aicumaü̃gu narüꞌinü’. (Juã́ũ 8:⁠44) Yeuwaü̃ rica niꞌĩ naweguü̃ na icuaꞌüü̃güü̃ notürü Tchatana nanawae ta na duü̃ü̃gü nüü̃ yacuaꞌüü̃güü̃. Tchatana guema tüĩra ga ngee ga Ewamaã dora niꞌu rü naga tüü̃ naꞌinüẽẽ na tama Tupanaga taꞌinüü̃caꞌ. Ewa tama Tupanagaü̃ taꞌinü ngegumarüü̃ ta ga Adãũ. Yema Adãũ naüü̃gagu niꞌĩ nhuma ioeẽgüü̃ rü yueü̃. Nawa naugütae i Génesis 3:⁠1-⁠6, 19.

Nucüma Tchatana nanawae na tauema Ãẽꞌgacüãcü nayauü̃ ga Tupana. Muema ya duẽꞌẽgü i nhuma Tupanaü̃ taoogü ta. Ngemaãcü ‘naanearü ãẽꞌgacü’ nügü nanguutchiꞌẽẽ i Tchatana. Nawa naugütae i Juã́ũ 14:⁠30 rü 1 Juã́ũ 5:⁠19.

Guü̃ma ga yema Tupana naüü̃ rü name. Duü̃ü̃gü rü ãĩyugü ga Tupana naüü̃ rü nüü̃ natautchae na meãma Tupanaga naꞌinüẽ. (Tiagu 1:⁠17) Nüma niꞌĩ tüü̃ naüü̃ rü ngemaꞌẽtüwa tama tüna nanatchuꞌu na yiematama nüü̃ cuaꞌü̃ na taꞌacü ta iügüü̃ na meü̃ rüeꞌna tchieü̃. Meü̃ ta ügü ta aicuma Tupanaü̃ inge­tchaü̃gügu. Nawa naugütae i Tiagu 1:⁠13-15 rü 1 Juã́ũ 5:⁠3.

Muema ya duẽꞌẽgü tama tanawaegü na Tupana tümamaã nacuaꞌü̃. Tupana nanawae na guẽma nüü̃ tanawegüü̃ ta aicuma tataãẽgü ngeguma tama naga taꞌinüẽgu. Yeuwa rica ta niꞌĩ duẽꞌẽgüü̃ rüngüꞌẽẽ ngema niꞌĩ guü̃ i nguneü̃ ngoũguü̃. (Eclesiastes 7:⁠29, 8:⁠9, TNM)  Ãẽꞌgacügü rü taucürüwa nayaguꞌẽẽ i nhaãgü: guera rü taꞌacü i tchieü̃ rü taꞌacü tama weguü̃ rü dawe. Nawa naugütae i Provérbios 20:⁠24 rü Êxodo 9:⁠16.

Tupana ya Ãẽꞌgacü yiꞌema nüü̃ yaugüeü̃ narüngüꞌẽẽ rü ãẽꞌgacügü i naanecü̃ã na tama. (Salmo 119:⁠165) Ningaica i nguneü̃ i Yeuwa ta nagu yaguꞌẽẽü̃ i naanecü̃ã i ãẽꞌgacügü. Yiꞌema nawa ügüe rica ta niꞌĩ Naanewa maꞌẽẽ. (Ichaía 11:⁠9) Nawa ­naugütae i Danié 2:⁠44.

Nüü̃ cudau i vídeo Tüꞌcüü̃ Ãũrima Tioeẽgüü̃?

Nawegü ta nawaegü na Tupana tamaã nacuaꞌü̃ rüeꞌna nüma i yatügü. Tacümawa nangootchi ta na ngeü̃rüü̃ yau­tchiü̃. Tchatana nüü̃ niꞌu na tauetchima Yeuwaü̃ tangetchaü̃güü̃caꞌ nüü̃ tapuracüeü̃. Ngiã tanawegü na yadorataaü̃ i Tchatana. Nawa naugütae i Yó 1:⁠8-12 rü Provérbios 27:⁠11(TNM).

Ngeguma Tupanaarü Oreca nguegu rü nhuꞌmatchi meãma maꞌẽgu. (Juã́ũ 4:⁠23) Rü ngeguma tama puritchicagu i ãgügu rü nhuꞌmatchi gueragu yeguma Ngetchutchu tama ngemagügu naãü̃rüü̃. Ngemaãcü niꞌĩ nawegüü̃ na Tupanawa iügüü̃ rü tama Tchatanawa. Nawa naugütae i Juã́ũ 17:⁠14.

Tchatana nanawae na duẽꞌẽgü nagu tarüꞌinüẽ na ngema tchieü̃ rü nameü̃. Beꞌmana tchiri tatchiga yadeꞌagü ta i nümaü̃tchigü i tamücügü rü tatanüꞌü̃ rüeꞌna tama tüü̃ nacuaꞌgütchaü̃ ngeguma marü tama naügügu i tchieü̃. (1 Pedru 4:⁠3, 4) Taꞌacü ta iügüü̃? Na ngema duẽꞌẽgü nawaegüü̃ rüeꞌna ngema Tupana nawaeü̃? Tchatana nüü̃ iꞌugu ngeguma natautchagu rica ta niꞌĩ Yeuwaga taꞌinüẽ ya duẽꞌẽgü. Tupanaarü mugü rü torü mecaꞌ niꞌĩ. Tanawegü na Tchatana rü woeücü wüi dorataaü̃ yiꞌĩü̃ ngeguma naga inüẽgu i ngema Tupanaarü mugü. Nawa naugütae i 1 ­Corĩ́tiucü̃ã 6:⁠9, 10 rü 1 Corĩ́tiucü̃ã 15:⁠33.

Tupana guẽma ya duẽꞌẽgüü̃ nangetchaü̃ ngemacaꞌ nayaguꞌẽẽ ta i guü̃ma i oeẽgü. Guꞌü̃gutama nuã Naanewa tamaꞌü̃ ya yiꞌema yaꞌõẽ i ngema rü Tupanaga inüẽ. Nawa naugütae i Juã́ũ 3:⁠16.