NATCHIPEE 4
Nümagü Tchatanaga naꞌinüẽgü. Taꞌacü i nguꞌutchi?
Adãũ rü Ewa tama Tupanaga naꞌinüẽgü rü ngemacaꞌ nayuegü. Gênesis 3:6, 23
Ãtapeꞌga taꞌinü ga Ewa rü ngeguma naĩarü oꞌ tangõꞌ. Iraũ Adãũna taã rü nüma nanangõꞌ i ngema naĩarü oꞌ.
Tama Tupanaga i inüẽgu wüi i pecadu niꞌĩ rü ngema niꞌĩ Adãũ rü Ewa naügüü̃. Tupana ngemacaꞌ nüü̃ inawoꞌü̃gü i ngema i meẽtchiü̃ ga naane ga Edeü̃wa.
Adãũarü, Ewaarü rü naꞌacügüarü maꞌü̃ i nhuma yeeraãcü nagutchaütchi. Nümagü nayaꞌẽgü rü nayuegü. Nümagü tauꞌwama naĩ. Narü tauemare.
Waiꞌümürüü̃ niꞌĩ i yuegüü̃. Nümagü nüü̃ natau i norü maꞌü̃. Gênesis 3:19
Yiemagü tayuegü erü Adãũwa rü Ewawa netaꞌĩ. Yuegüü̃ rü tama tüü̃ naꞌinüẽgü rü bai na tüü̃ nadaugü rü taumare naügü. (Juã́ũ 11:11-14)
Yeuwa tama nanawaeꞌtchire na duü̃ü̃gü tayuegüü̃. Rü Tupana tüü̃ namaꞌẽ ta ya yiema yuegüe. Tupanaga taꞌinüẽgügu, taugumata tayuegü.
